देवप्रकाश त्रिपाठी 

   यो निर्वाचन जेन्जीको नाममा भएको बिध्वङ्शकै निरन्तरता हो । जेन्जी भाइ बहिनीहरू देशमा सुशासन चाहन्थे , तर उनीहरूको नाममा देशका शत्रुले आफ्नो साध्य पूरा गरे ।

सुशीला कार्की नेतृत्वको अवैधानिक सरकार नागरिक सरकार नभएर सिहदरबार र सर्बोच्च अदालत जलाउनेहरूको सरकार हो, यसको निष्पक्ष भूमिका छदैछैन । 

सुशीलाले चुनाव गराउने जिम्मेवारी मात्र पाएको होइन, फलानो पक्षलाई बहुमत  पुर्‍याइदिने जिम्मेवारी पनि उनैलाई छ ।  फागुन २१ को निर्वाचन पश्चात् देशले निकास होइन बिनासको सामना गर्नुपर्ने छ ।

त्यसैले यो निर्वाचनलाई नागरिक शक्ति नेपालले अस्वीकार गरि समानुपातिक उम्मेदवारलाई समेत राजनीतिक रूपमा फिर्ता लिएको छ। 

जो जसले निर्वाचनमा भाग लिएका छन त्यहाँ पनि दुईथरी उम्मेदवार छन, एकथरी शतप्रतिशत बाह्यशक्तिबाट परिचालित छन र अर्काथरी देशभक्त छन ।

एकथरी सोसल मिडियाबाट जन्माइएका छन र अर्काथरी लामो र सकसपूर्ण प्रजातान्त्रिक आन्दोलनबाट जन्मिएका हुन । 

यसक्रममा झापाको पाच नम्बर निर्वाचन क्षेत्र देशकै आकर्षणको केन्द्र बनेको छ। त्यसो त सर्लाहीको तीन नम्बर क्षेत्रमा नारायण काजी श्रेष्ठले उम्मेदवारी दिनुभएका कारण उक्त क्षेत्र पनि आम नेपालीको चासोको क्षेत्र बनेको छ भने अमरेश कुमार सिंहले बिजय हासील गर्दै आउनु भएको चार नम्बर क्षेत्रमा गगन थापाले उम्मेदवारी दिनु भएपछि उक्त क्षेत्र पनि निकै चर्चामा छ । 

 
झापा ५ मा खडा भएका उम्मेदवार मध्ये केवल दुई नाम मात्र अगाडी आएका छन । दुई मध्ये केपी ओलीलाई त्यस्ता उम्मेदवारका रूपमा लिइन्छ जो कहिल्यै गाजा चरेश खादैनन, जसलाई र्‍याप पनि आउदैन ।

केपीले  मदिराको नसामा लट्ठिएर  सार्बजनिक स्थलहरूमा अश्लील नृत्य गर्न पनि जानेका छैनन । उनी कानमा टप पनि लगाउदैनन र जगल्टा फिजाएर हिड्न झन उनी सक्दै सक्दैनन ।

जतिसुकै रीस उठेपनि केपीको मुखबाट सिंहदरबार जलाइदिने अभिव्यक्ति कहिल्यै आएन र मौका पाउने बित्तिकै सिंहदरबारमा आगो झोस्न र त्यसलाई खरानी बनाउन सक्ने क्षमता पनि उनमा देखिएन, न सर्बोच्च अदालत, संसद भवन  र शितल  निवास जलाउने क्षमता नै केपीमा देखियो । 

                 तेर्‍हवटा जातीय राज्यमा बिभाजित गर्न भएको प्रयासलाई रोक्ने केपी, सात प्रदेशको नाम जातका आधारमा चयन हुनबाट रोक लगाउने केपी, प्रचण्ड र शेरबहादुर देउबाले गरेको पच्चीस बूदे सहमतिमा असहमती जनाएर दस्तखत नगरी देश फर्कने केपी, पश्चिमा मुलुकले बीआरआइ कार्यान्वयन सम्झौता नगर भन्दाभन्दै गरेरै छोड्ने केपी, पुटिनसङ्ग भेट नगर्न चेतावनी दिदादिदै भेटवार्ता गर्ने केपी, नाकाबन्दीको समयमा दृढतापूर्वक  उभिने केपी,  एमसीसी परियोजना अनुमोदन गरिनुपर्छ भन्दै तीन वर्षसम्म झुलाउने र मतदानको समयमा अनुमोदनको बिपक्षमा उभिने केपी,  हिंसात्मक क्रियाकलापमा सक्रिय बिप्लब र बिखण्डनकारी सीकेलाई शान्तिपूर्ण मैदानमा ल्याउने केपी, माओबादीको आतङ्कबाट मुलुक  आक्रान्त बनेका बेला निर्भयका साथ डटेर लड्ने केपी । 

         यसरी देशका निम्ति अड्न जान्ने एक लाईन र्‍याप हान्न र चरेशको एक सर्को तान्न पनि नजान्ने केपीलाई यसपटक हराउनै पर्छ १ मुलुक नबनेकै र्‍यापे , झ्यापे , ट्यापे र ठग्नजान्ने कलाकारलाई सत्ताको साचो जिम्मा नलगाइएकोले हो, यसपटक मौका आएको छ, र्‍यापेहरूलाई मतदान गरेर पृथ्वीनारायण शाहबाट “देश स्थापना गर्ने” गल्ती जुन भएको छ , त्यसलाई “सच्च्याउने काम” गरौं युक्रेनको नियती भोगौ !!

यो सामाग्री बरिष्ठ पत्रकार देवप्रकाश त्रिपाठीको पेसबुक वालबाट लिइएको हो ।