वीरगन्जकी चेली उषाको पनि भयो डिभोर्स

सेलीव्रेटीहरुको पारपाचुके

3/15/2020 गते 00 00 मा प्रकाशित 4671 पटक पढिएको

वीरगन्ज, २ चैत । अभिनय, मनोरञ्जन तथा विभिन्न ग्ल्यामर क्षेत्रबाट समाजलाई सहीबाटोमा डो¥याउने कलाकारहरुको एकपछि अर्को पारिवारिक विछोडको क्रम बढेको छ ।

हास्य कालाकार मनोज गजुरेल र उनकी श्रीमती, रामकृष्ण ढकालको दम्पतीको पारपाचुकेपछि अर्को एउटा चर्चित जोडीको पारिवारिक सम्बन्ध चुडिएको छ । वीरगन्जकी चेली पूर्वमिस नेपाल उषा खड्गीले आफू श्रीमान् जीपी तिमिल्सिनाबाट अलग भएको बताएकी छिन् । उनीहरुले २ वर्ष लामो प्रेम सम्बन्धमा रहेर करिब १५ वर्ष अगाडि बिहे गरेका थिए ।

१७ वर्ष लामो सम्बन्धलाई उषा र जीपीले टुंग्याउने निर्णय गरेका हुन् । यसअघि भएको हल्लामा दुवैजनाले अस्वीकार गर्दै आएपनि अन्तत उषाले एक टेलिभिजन कार्यक्रममा आपूmहरुबीचको सम्बन्धलाई तोड्ने निर्णय गरेको जानकारी गराएकी हुन् । निकै भावुक भएर उनले यो कुराको जानकारी गराएकी थिईन् ।

उनले, आफ्नो गाह्रो समयमा सहयोग गर्ने फ्यान र शुभचिन्तकलाई धन्यवादसमेत भनेकी छिन् । सन् २००३ मा वैवाहिक जीवनमा बाँधिएका उषा र जीपीको एक छोरा र एक छोरी छन् । आफू शारीरिक र मानसिक रुपमा नै दुर्व्यवहारमा परेको भन्दै अब एकसाथ अगाडि बढ्न नसक्ने पनि उल्लेख गरेकी छिन् । हिंसा सहेर बसिरहन नसक्ने भन्दै अन्ततः अलग हुने निर्णय गरेको उषाले बताएकी छिन् ।