नेपाल इन्भेष्टमेन्ट मेगा बैंक लिमिटेडको बाराको कलैयाबाट पनि कारोबार सुरु

इसीमाना सम्वाददाता २०८० कार्तिक १९ गते ०५: ०० मा प्रकाशित 427 पटक पढिएको

कलैया। नेपाल इन्भेष्टमेन्ट मेगा बैंक लिमिटेडले आजदेखि बाराको कलैयाबाट पनि कारोबार सुरु गरेकाृ छ । मधेश प्रदेशमा २१ औ शाखाको रुपमा बैंकले कलैयामा पनि शाखा संचालनमा ल्याएको हो ।

शाखाको आइतवार एक कार्यक्रमकावीच कलैया उपमहानगरपालिका प्रमुख बिनोद साहले उद्धघाटन गरेका छन ।

शाखा उद्धघाटनमा बैंकका प्रमुख कार्यकारी अधिकृत ज्योतिप्रकाश पाण्डेको पनि सहभागिता रहेको थियो । बैंकले कलैयाबाट ग्राहकलाई गुणात्मक सेवा दिने कुरामा प्रमुख साहले बिश्वास ब्यक्त गरेका छन ।

कलैयाको शाखा मधेश प्रदेशको २१ औं शाखा हो । ग्राहकलाई सुलभ र सहज रुपमा सेवा दिने प्रमुख कार्यकारी अधिकृत पाण्डेले प्रतिवद्धता जनाएका छन ।

यस शाखाको स्थापनाबाट बैंकले आफ्ना ग्राहकहरुलाई थप विस्तारित एवं सर्वसुलभ बैंकिङ्ग सेवाहरु पुर्‍याउने विश्वास लिनुका साथै सुलभ तथा उच्चस्तरीय बैंकिङ्ग सेवा पुर्‍याउने उद्देथ्य लिएकोपाण्डेले बताए ।

कार्यक्रममा कलैया उपमहानगरपालिका वडा नम्बर ४ का वडा अध्यक्ष रामेश्वर यादव, उद्योग वाणिज्य संघका अध्यक्ष राजकुमार साह तेली लगायत स्थानीय बुद्विजीवी तथा सर्वसाधारणको उपस्थिति रहेको थियो ।

बैंकका कलैया शाखा प्रमुखले सेवाग्राहीहरुलाई शाखा मार्फत प्रभावकारी सेवा दिइने बताए । हाल बैंकले २६१ शाखा कार्यालय र ६२ वटा एक्सटेन्सन काउन्टर मार्फत सुविधा दिँदै आएको कलैया शाखा प्रबन्धक परमेश्वर प्रसाद साहले जनाएका छन । साहले कलैयामा शाखाले सेवाग्राहीको मन जितेर कार्य गर्ने बताए ।