निर्यात अनुदान प्रक्रियामा रोक लगाउने उद्योग विभागको निर्णय फिर्ता लिन वीरगञ्ज उद्योग वाणिज्य सङ्घको माग
वीरगंज ।वीरगञ्ज उद्योग वाणिज्य सङ्घले नेपाल सरकार उद्योग विभागले गत आर्थिक वर्षको निर्यात अनुदान आवेदन प्रक्रिया रोक्ने निर्णय फिर्ता लिन आग्रह गरेको छ।
सङ्घका अध्यक्ष हरिप्रसाद गौतमले शुक्रबार जारी गरेको विज्ञप्तिमा भनिएको छ कि नेपाल सरकारले विगतका वर्षहरूमा निर्यात प्रवर्द्धनका लागि केही वस्तुहरूमा अनुदान दिने नीति अवलम्बन गरेपछि ती वस्तुहरूको निर्यातमा उल्लेखनीय वृद्धि भएको थियो।
तर, विभागले मिति २०८२ असोज २३ गते “आर्थिक वर्ष २०८१/८२ मा निर्यात गरिसकेका निर्यातकर्ताले बुझाउने आवेदनहरू यस वर्ष प्रक्रिया नगर्ने” भनी सूचना जारी गरेको विषयप्रति सङ्घको गम्भीर ध्यानाकर्षण भएको उल्लेख गरिएको छ।
विज्ञप्तिमा भनिएको छ, “भूपरिवेष्टित मुलुक नेपालका निर्यातकर्ताहरूले अन्तर्राष्ट्रिय बजारमा प्रतिस्पर्धा गर्न असहज परिस्थिति, आर्थिक मन्दी र राजनीतिक संक्रमणबीच पनि निर्यातलाई निरन्तरता दिइरहेका छन्। यस्तो समयमा विभागको निर्णयले निर्यातकर्ताको मनोबलमा दीर्घकालीन नकारात्मक असर पर्नेछ र सरकारले अवलम्बन गरेका नीतिप्रति उद्योगी–व्यवसायीहरूमा अविश्वास बढ्न सक्छ।”
सङ्घले उक्त सूचनाको पुनर्विचार गरी आर्थिक वर्ष २०८१/८२ का निर्यातकर्ताहरूलाई स्वःघोषणा सहित अनुसूची–३ बमोजिमको ढाँचामा निवेदन बुझाउने म्याद थप गर्न माग गरेको छ।
त्यससँगै, हालको वित्तीय सङ्कट, संक्रमणकालीन अवस्था र असहज आर्थिक परिस्थिति मध्यनजर गर्दै सरकारले गत आर्थिक वर्षको बक्यौता देखिएको निर्यात अनुदान बराबरको बण्ड जारी गरी निर्यातकर्ताको संरक्षण र प्रोत्साहनका लागि पहल गर्न सङ्घले जोड दिएको छ।
अध्यक्ष गौतमले नेपाल सरकारलाई निर्यात प्रवर्द्धन, औद्योगिक विकास र वैदेशिक मुद्रा आर्जनमा योगदान पुर्याउने निर्यातकर्ताको हितमा निर्णय लिन आग्रह गर्दै, “सरकार र निजी क्षेत्रबीच विश्वास, सहकार्य र संवाद नै आर्थिक स्थायित्वको मुख्य आधार हो,”
भनेका छन।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
चिया चौतारो छाडेर,श्रमदानमाबाटै हुलाकी सडक सफा गर्दै सुवर्णपुरका स्थानीय
ठोरी । ठोरी गाउँपालिका–५ सुवर्णपुरस्थित ओरिया खोला पुल नजिकको बागमोर्चा क्षेत्रका स्थानीयवासीले शनिबार बिदाको समय सदुपयोग गर्दै हुलाकी सडक सरसफाइ गरेका छन।
विपद् राहत कोषमा मदिना जामे मस्जिदद्वारा १ लाख १ हजार रुपैयाँ सहयोग
वीरगञ्ज ।वीरगञ्ज महानगरपालिका–६ स्थित मदिना जामे मस्जिदले नेपाल सरकारको प्रधानमन्त्री दैवी प्रकोप उद्धार कोषमा १ लाख १ हजार रुपैयाँ सहयोग गरेको छ।
खेलकुद
ठोरीमा भदौ ६ देखि ७ ए–साइड फुटबल प्रतियोगिता संचालन हुने
वीरगंज । ठोरी गाउँपालिका–३, नयाँबस्ती ब्रह्मनगरमा रहेको आईटी कलेज खेल मैदानमा चौथो संस्करणको ७ ए–साइड फुटबल प्रतियोगिता आयोजना हुने भएको छ ।
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
तपाईको प्रतिक्रिया