वीरगंजमा सुनकाण्डः व्यवसायी अभिषेक सर्राफको घरमा संयुक्त टोलीको छापा, करोडौँको स्रोत नखुलेको सुन बरामद
वीरगंज । वीरगंजस्थित एक सुन व्यवसायी अभिषेक सर्राफको घरमा छापामारी गरी बहुल्य सुन चाँदी नियन्त्रणमा लिएको छ ।
राजस्व अनुसन्धान कार्यालय पथलैया, सशस्त्र प्रहरी बल नेपाल र वीरगंज भन्सार कार्यालयको संयुक्त टोलीले संयुक्त रुपमा छापामारी गरेको हो । टोलीले स्रोत नखुलेको सुन बरामद गरेको छ।
सोमबार बिहानदेखि सुरु भएको छापामारी दिउँसो अबेरसम्म जारी रहेको र बरामद गरिएको सुनको मूल्य करोडौँ रुपैयाँमा पुग्ने अनुमान गरिएको छ।
माईस्थानस्थित सुन व्यवसायी अभिषेक सर्राफको निवासमा गोप्य सूचनाका आधारमा छापा मारिएको थियो। टोलीले घरका विभिन्न कोठा, तिजोरी र सुरक्षित स्थानहरूमा लुकाइएका सुन–चाँदीका गहना, बन्धकी राखिएका गरगहना तथा अन्य बहुमूल्य वस्तुहरू बरामद गरेको बताइएको छ।
छापामारीका क्रममा बरामद सुनको स्रोतबारे स्पष्ट विवरण पेस गर्न सर्राफ पक्ष असफल भएको र कुनै आधिकारिक कागजात देखाउन नसकिएको प्रारम्भिक अनुसन्धानमा खुलेको बताइन्छ। बरामद गरिएका सम्पूर्ण वस्तुहरू राजस्व अनुसन्धान कार्यालय पथलैयाको नियन्त्रणमा लिइएका छन र त्यसमा थप अनुसन्धान सुरु भएको छ।
सर्राफ सुनचाँदी ब्यवसायी संघ पर्साका अध्यक्ष भूलन सर्राफ र बिवादीत सुन हुण्डी तथा लागु औषधका ब्यपारी कन्हैया सर्राफका आफ्नै भान्जा हुन । भन्जा मार्फत उनीहरुले सुनको तस्करीको कारोवारको संशय पैदा भएको भन्दै अनुसन्धानको सूई तेता पनि सोझ्याउनु पर्ने माँग उठेको छ ।
प्रारम्भिक अनुमानअनुसार बरामद सुन र गहनाको मूल्य करोडौँ रुपैयाँभन्दा बढी हुनसक्ने छ।
छापा टोलीमा सशस्त्र प्रहरी बल नेपाल, वीरगंज भन्सार कार्यालय र राजस्व अनुसन्धान कार्यालय पथलैयाका अधिकारीहरू संलग्न थिए। यता ब्यवसायीले भने छापामारीको बिरोध गरेका छन ।
नेपाल सुन चाँदी ब्यवसायी महासंघका पर्सा तथा मधेश प्रदेशका पूर्व महासचिव परेवश सर्राफले छापामारीका कारण ब्यवसायीहरुमा त्रास पैदा भएको बताएका छन । उनले ब्यवसायीक वतावरण बनाउन माँग गर्दै छापामारीको निन्दा समेत गरेका छन ।
घटनापछि वीरगंजका सुन व्यवसायीहरूबीच त्रास र हलचल फैलिएको छ। स्थानीय स्रोतहरूले यस घटनाले सहरमा सञ्चालित सुन कारोबारको पारदर्शिता र नियमनमाथि गम्भीर प्रश्न उठाएको बताएका छन।
राजस्व अनुसन्धान कार्यालयका अधिकारीहरूले प्रारम्भिक प्रमाण संकलन भइसकेको र बरामद सामग्रीको मूल्यांकनपछि आर्थिक अपराध अनुसन्धान ऐन अन्तर्गत कानूनी प्रक्रिया अघि बढाइने जानकारी दिएका छन।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया