उठाएको रकमबाट आधा र बुलेटको प्रलोभनमा एसपीले व्यापारीलाई २ दिनसम्म क्वार्टरमा थुनेको खुलासा
वीरगन्ज– वारा कलैयाका खाद्यान्न व्यापारी तौफिक अन्सारीलाई पर्साका एसपी गोविन्द कुमार साहले गैरन्यायिक तरिकाले २ दिनसम्म क्वार्टरमा थुनेको प्रकरण उजागर भएपछि प्रहरी मूख्यालयबाट छानबिन थालिएको छ । यता एसपी साहले मंगलबार आफ्नो कार्यकक्षमा आयोजित पत्रकार सम्मेलनमा सोमबार प्रकाशित समाचारको खण्डन गरेपनि सञ्चारकर्मीको प्रश्नको जवाफ दिन सकेनन् । पत्रकार सम्मेलन उनका लागि घाँडो सावित भएको थियो । भारतीय व्यापारीको उधारो रकम उठाएवापत आधा रकम र एउटा बुलेट मोटरसाइकल लिने सहमतिमा एसपी साहले ललितपुरको पाटनबाट तौफिकलाई प्रहरीले नियन्त्रणमा लिएका थिए ।
बुलेट लिने उद्देश्यले केही दिन अगाडि एसपी साह एक जना इन्सपेक्टरलाई साथमा लिएर परवानीपुर नजिकैको दुगडको सोरुममा समेत पुगेका थिए । फोन डिटेल्स ट्रेस गरि पर्सा क्राइमका असई प्रमोद साह सहित २ जनाको टोलीले तौफिकलाई सोमबार राति वीरगन्ज लिएर आएका थिए । क्वार्टरबाटै तौफिकले विभिन्न व्यापारीलाई फोन गरी १३ लाख रुपैयाँ मगाएका थिए । थप पैसा उठाउनका लागि व्यापारीकोमा जानु पर्ने तौफिकले बताएपछि एसपीले एकजना घुमुवा प्रहरीलाई उनको पछाडि लगाई छाडेका थिए ।
एसपीले तौफिकलाई थुनुवा कोठामा नराखि आफ्नै निवासमा २ दिनसम्म राखेर पैसाको बन्दोवस्त गर्न दबाब दिएका थिए । भारतीय कारोबारीको आग्रहमा वीरगन्ज स्थित महावाणिज्य दुतावास कार्यालयबाट लिखित निवेदन आएकाले तौफिकलाई नियन्त्रणमा लिइएको एसपी गोविन्द कुमार साहले बताए । एसपी साहले तौफिकलाई एकदिन मात्र क्वार्टरमा राखेको बताएपनि तौफिकले प्रयोग गर्दै आएको एनसेलको मोबाइलको कल वाइज विवरणको आधारमा २ दिनसम्म उनको लोकेशन पानीट्यांकीको टावर देखाइरहेको छ । एसपी निवास पनि अहिले टावर नजिकै छ । ठगि देखिएपछि तौफक माथि ठगि मुद्दामा थुनामा राखेर अनुसन्धान किन अगाडि नबढाएको प्रश्नमा एसपी साह मौन बसे । उनले भने, ‘पैसा तिर्छु भनेका छन्, उनीहरु मिलुन्, प्रहरीलाई के मतलब ।’ गैरन्यायिक नियन्त्रणमा राखेर प्रहरीले कानुनको उपहास गरेको कानुनविद्धले बताएका छन् । पछिल्लो केही वर्षयता प्रहरीले लेनदेनका मुद्दा अदालत पठाइदिने गरेको थियो ।
‘यस्ता मुद्दामा आर्थिक अनियमितता उजागर भएपछि सिधै अदालत पठाउने गरेका थियौ“,’ एक प्रहरी अधिकृतले भने । तौफिकले विहारको जहानाबाद, माधोपुर र मसौरीबाट करिब ५० लाख रुपैया“ बराबरको खाद्यान्न खरिद गरि ल्याएको जनाए ।
सम्बन्धित शीर्षकहरु
सीमापारी/अन्तराष्ट्रिय
क्यानडामा रामकृष्ण ढकाल साँझ भब्य रूपमा सम्पन्न, बचत रकमबाट पशुपतिनाथ मन्दिरमा पुजा कार्यक्रम
टोरण्टो । असार १५ गते ईन्टरनेशनल म्युजिक डे को अबसर पारेर क्यानडाको ब्राम्प्टन शहरमा आयोजना गरिएको “रामकृष्ण ढकाल साँझ“ भब्य रूपमा सम्पन्न भएको छ ।
राष्ट्रपति ट्रम्पको खुलासा इजरायल र इरानबीच युद्धविरामको घोषणा
संयुक्त राज्य अमेरिकाका राष्ट्रपति डोनाल्ड ट्रम्पले सोमबार इजरायल र इरानबीचको युद्ध अन्त्य गर्न दुवै देशले युद्धविराममा सहमति गरेको घोषणा गर्नुभएको छ।
मगर संघ बेल्जियमको अध्यक्षमा कल्पना मगर निर्विरोध निर्वाचित
बेल्जियम । मगर संघ बेल्जियमको छैठौं अधिवेशन भव्य रूपमा सम्पन्न भएको छ। अधिवेशनले कञ्चनपुर, नेपाल घर भई हाल बेल्जियममा बसोबास गर्दै आएकी कल्पना मगरलाई अध्यक्ष पदमा निर्विरोध रूपमा निर्वाचित गरेको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
महिलालाई अनैतिक काममा लगाई आम्दानी खादै आएका साह पक्राउ
वीरगंज । मानव बेचबिखनमा संलग्न रहेको आरोपमा प्रहरीले बारा जिल्लाको कलैया उपमहानगरपालिका वडा नं १२ का २९ वर्षिय पवन साहलाई पक्राउ गरेको छ ।
जनमत पार्टीमा चौधरी र डा.राउतलाई राष्ट्रिय उपाध्यक्षको जिम्मेवारी दिइयो
जनकपुर । जनमत पार्टीको राष्ट्रिय उपाध्यक्षमा दुइजना मनोनित भएका छन् । यही ८ असारमा पार्टीको स्थायी समिति बैठकको निर्णयअनुसार राष्ट्रिय उपाध्यक्षमा दुइजनालाइ मनोनित गरिएको जनमत सचिवालयले जनाएको छ ।
खेलकुद
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
एमाले नेता पटेलद्वारा २५ लाखको लागतमा निर्माण हुने क्रिकेट मैदानको शिलान्यास
वीरगन्ज । नेकपा एमालेका सल्लाहकार शिव पटेलले क्रिकेट मैदान निर्माण कार्यका एक कार्यक्रमकावीच शिलान्यास गरेका छ ।
तपाईको प्रतिक्रिया