बीरगंज ११ चैत । 
एबडोमिनल एब्सट्रक्सनबाट पीडित भई उपचार गराई रहेका सिकेन्द्र माझिलाई आर्थीक सहयोग प्राप्त भइरहेको छ । उनको स्वासथ्य अवस्थामा सुधार आइरहेको  उनको उपचारकोलागि अर्थ संकलनको अभियान संचालन गर्ने अभियान्ता प्रकाश थारुले बताए । बीरगंजको नेशनल मेडिकल क्लेजमा उपचार गराई रहेका सिकेन्द्र माझी आन्द्रा फूटेर शरीर भरि संक्रमणबाट पीडित छन । उनको सम्तीको नाममा एक श्रीमती ३ छोरा २ छोरी मात्र छन । जेठो छोरी ९ वर्ष कान्छो छोरा डेढ वर्षका छन । आर्थिक अभावमा बीरगंजकाृ नारायणी उपक्षेत्रीय अस्पतालमा जीवन संग संघर्ष गरिरहेका माझीलाई सामाजिक अभियान्ता प्रकाश थारुले  फाल्गुन १३  बीरगंजको नेशनल मेडिकल कलेजमा उपचारकालागि भर्ना गराएका थिए । सानो आन्द्रामा गाठो परेर फुटे पछि नारायणी अस्पतालले नेशनल मेडिकल क्लेजमा रिफर गरेको थियो । आफूसंग भएको पैसाले माझीको उपचार शुरु गरेका थारुले त्यही दिन सामाजिक संजालमा “पैसा नभए अउपचारको अभावमा मान्छे मर्ने रहेछ” भन्दै सन्देश लेखे । उनको यो सन्देश पढनेहरुले त्यही दिन सहयोगी हातहरु बढाए र उपचारका लागि २१ हजार रुपैया त्यही दिन उठ्यो । सहयोग जुटने कुराले उत्साहित भएका थारुलाई यो अभियानमा  युवासंचारकर्मी राजेन्द्र सिंहको पनि महत्वपूर्ण सहयोग रह्यो । अस्पतालको शैय्यामा २७ दिन देखी उपचारमा रहेका माझीको उपचारमा अहिले सम्म २ लाख २६ हजार खर्च भएको छ । यो सबै रकम सहयोग स्वरुप उठेको हो । माझीको उपचारका निम्ति शुक्रवार बीरगंजको साउथ जोन बोर्डिङ स्कूलका बिद्यार्थीले आफ्नो खाजा खर्चको पैसा जोगाएर सहयोग गरेका छन । बिद्यार्थी शिक्षक र बिद्यालयको तर्फबाट  २१ हजार ४ सय रुपैया सहयोग गरेका छन । त्यसैगरि रौतहटको चन्द्रपुर नगरपालिकामा रहेको एभरग्रिन अग्रेजी बिद्यालयका छात्रछात्राले खाजा खर्च जोगाएर आजै ८ हजार १ सय १५ रुपैया सहयोग गरेका छन । त्यस्तै २ हजार रुपैया गोप्य दान समेत प्राप्त भएको अभियान्ता थारुले बताए ।  माझीको उपचारकोलागि  कादम्बरी स्कूल बिद्याथी हरु बाट ११ हजार ६ ३९रुपैया गुरुकुलका तर्फ बाट रु ६ हजार,गुरुकुल एकेडेमीको तर्फबाट रु ६ हजार २७,बिआई टी का अबध सिंहको तर्फबाट रु११ हजार,कोशिश फाउण्डेशनको तर्फबाट रु ११ हजार सहयोय प्राप्त भएको अभियान्ता राजेन्द्र सिंहले बताए । उनको उपचार लामो समय सम्म हुने भएकोले उपचार खर्चको अभाव रहेको थारुले बताए । अस्पतालको सघन उपचार कक्षको रकम तिर्न बाँकी रहेको समेत उनले बताए ।  माझीको जीवन जोगाउनकालागि अझै पनि रकमको आवशयकता भएकोले सहयोगी मनहरुलाई सहयोग जुटाउन अभियान्ता थारु र सिंहले अपिल गरेका छन । अहिले माझीको स्वास्थ्यमा सुधार आएको उनीहरुको भनाई छ ।