चितवनमा तस्करले गैडा मारे

4/8/2017 गते 00 00 मा प्रकाशित 2504 पटक पढिएको

भरतपुर २६ चैत ।शुन्यचोरी शिकारी वर्ष मनाइरहेको चितवनमा खाग तस्करले गैडा मारेका छन । तस्करले गैडाको खाग र पुच्छर चोरेर लगेको हुनाले तसकरले गैडा मारेको अनुमान गर्न कठिन नभएको संरक्षणविद्वहरुको भनाई छ । भरतपुर महानगरपालिका २३ मा रहेको हरियाली सामुदायीक वन क्षेत्रमा भाले गैंडा मारेर खाग र पुच्छर चोरी गरिएको हो ।गैंडा संरक्षणमा विश्वमै उत्कृष्ट बनेको रुपमा चिनिएको चितवन राष्ट्रिय निकुञ्जकै सामुदायीक वन क्षेत्रमा तस्करले चुनौती दिंदै गैंडा मारेर खाग र पुच्छर चोरी भएकोले संरण अभियानमा चुनौती थपिएको छ।
बितेको ३ वर्षदेखी वर्ष गैडाको शुन्य चोरी शिकार मनाउन सफल चितवनमा यो घटनाले निकुञ्जको सुरक्षा ब्यवस्थामा प्रश्न खडा गरेको छ । चितवन राष्ट्रिय निकुञ्जले गत २०७३ माघ १४ गते गैंडा संरक्षणमा शुन्य चोरी शिकारको एक हजार दिन भव्यताका साथ मनाएको थियो । शुन्य चोरी शिकारको एक हजार दिन मनाउंदा सम्म चितवनमा जम्मा १४ वटा गैंडा कालगतिले मरेको चितवन राष्ट्रिय निकुञ्जको तत्थ्यांक छ ।

त्यसको ४२ औं दिनमा नै तस्करले गैंडा मारी खाग चोरी गरेको हो । यस अघि सन् २००२ मा नेपालमा एकै वर्षमा ३७ वटा गैंडा चोरी शिकारका कारण मरेका थिए ।त्यसपछि गैंडा संरक्षणको क्षेत्रमा भएका संयुक्त पहलको उपलब्धिले शुन्य चोरी शिकार मनाउन सफल भएयता सन् २०१५ मा सार्वजनिक गरीएको एक तत्थ्यांक अनुसार नेपालमा ६ सय ४५ वटा गैंडा रहेकाछन् ।