डेढ दशक पछि वीरगञ्जमा राष्ट्रिय स्तरको फुटबल प्रतियोगिता हुने
वीरगञ्ज, १ वैशाख | विशाल मेमोरियल फाउण्डेशनले वीरगञ्जमा यही बैशाख ९ गते देखि प्रथम टुबोर्ग विशाल मेमोरियल गोल्डकप फुटबल टुर्नामेन्ट आयोजना गर्न लागेको छ । शुक्रबार वीरगञ्जमा पत्रकार सम्मेलन गरेर विशाल मेमोरियल फाउण्डेशनले प्रतियोगिताको बारेमा जानकारी गराएको हो ।
वीरगञ्जमा झण्डै डेढ दशक पछि राष्ट्रिय स्तरको फुटबल प्रतियोगिता आयोजना हुन लागेको हो । बैशाख १६ गते सम्म चल्ने प्रतियोगितामा नेपालका ए डिभिजनका क्लब र भारतका गरी कुल आठ टिमको सहभागीता रहनेछ । नेपालका ए डिभिजनका क्लबहरु नेपाल पुलिस क्लब, त्रिभुवन आर्मी क्लब, संकटा क्लब, हिमालयन शेर्पा क्लब, वीरगञ्ज युनाइटेड क्लब, जनजागृति युवा क्लब सिमरा, भारतको राजमील पटना सहित आठ टिमले भाग लिने विशाल मेमोरियल फाउण्डेशनका अध्यक्ष रुपक पाण्डेले जानकारी दिए । प्रतियोगिता वीरगञ्जको नारायणी रंगशालामा सञ्चालन हुने पाण्डेले जनाए ।
प्रतियोगिताको विजेता टिमलाइ नगद पाँच लाख र ट्रफी तथा उपविजेता टिमलाइ दुई लाख ५० हजार नगद सहित ट्रफी पुरस्कार प्रदान गरिनेछ । यस्तै प्रतियोगिताको सर्वोत्कृष्ट खेलाडीले एकथान सुजीकी मोटरसाइकल प्राप्त गर्ने प्रतियोगिताका संयोजक अनिल कुमार कलवार जानकारी गराए । प्रतियोगिताको मुख्य प्रायोजक टुबोर्ग बियर तथा सह प्रायोजक जगदम्बा सिमेन्ट प्रालि र रेडबुल रहेका छन् । प्रतियोगितामा ५१ लाख रुपैयाँ खर्च हुने अनुमान गरिएको संयोजक कलवारले जानकारी दिए ।
फुटबलको क्षेत्रमा वीरगञ्जको परिचय हराएकाले फेरि वीरगञ्जलाई फुटबलको शहरको रुपमा स्थापित गर्नका लागि नै प्रतियोगिता आयोजना गर्न लागिएको फिफाका पुर्व सहायक रेफ्री गजेन्द्रमान सिंहले पत्रकार सम्मेलनमा जानकारी गराए । पत्रकार सम्मेलनमा नेपाल पत्रकार महासंघ पर्साका अध्यक्ष श्याम बन्जारा, उपाध्यक्ष अनुप तिवारी लगायत फुटबल प्रेमीहरुको उपस्थिती रहेको थियो । कार्यक्रमको सञ्चालन विनोद परियारले गरेका थिए ।
सम्बन्धित शीर्षकहरु
सीमापारी/अन्तराष्ट्रिय
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
३० किलो गाँजा सहित भारतीय नागरिक बिन पक्राउ
वीरगन्ज । पर्सा प्रहरीले ठूलो परिमाणमा लागुऔषध गाँजासहित एक भारतीय नागरिकलाई पक्राउ गरेको छ। जिल्लाको जिराभवानी गाउँपालिकाबाट विशेष सुराकीका आधारमा खटिएको प्रहरी टोलीले उनलाई पक्राउ गरेको हो।
जनता सडकको सर्भे शुरु, वडाध्यक्ष गैरेले दिए धन्यवाद
वीरगंज । जनता सडक (जीतपुर–सोनबर्र्षा सुवर्णपुर खण्ड) मर्मत तथा कालोपत्रे कार्यका लागि नापी (सर्वेक्षण) प्रक्रिया आजबाट औपचारिक रूपमा सुरू भएको छ। भौतिक पूर्वाधार विकास कार्यालय पर्साले दिएको जानकारीअनुसार आगामी दुई महिनाभित्र ठेक्का प्रक्रिया सम्पन्न गरी निर्माण कार्य अघि बढाइनेछ।
खेलकुद
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
तपाईको प्रतिक्रिया