बाबुरामको पार्टीमा निरन्तर बिद्रोह
काठमाडौँ २१ चैत। उपेन्द्र यादव नेतृत्वको संघीय समाजवादी फोरम र डा.बाबुराम भट्टराई नेतृत्वको नयाँ शक्ति पार्टी बीच एकता हुने निश्चित भएपछी नयाँ शक्तिका बरिष्ठ नेताहरु असन्तुष्ट बनेका छन् ।
लामो समय पसिना बगाएको तत्कालिन एकीकृत नेकपा माओवादी परित्याग गरी वैकल्पिक राजनीतिक शक्तीका रुपमा नयाँ शक्ती पार्टी बनाएका पुर्वप्रधानमन्त्री डा.भट्टराई जातीवादी तथा क्षेत्रियतावादी दलसंग विलय हुन लागेको भन्दै नेता देवेन्द्र पौडेल नेतृत्वको समुह असन्तुष्ट बनेको हो ।
नयाँ शक्तीका संगठन विभाग प्रमुख समेत रहेका पौडेलको समुहमा कुमार पौडेल, कल्पना धमला, बलावती शर्मा, देवेन्द्र पराजुली लगायतका नेताहरु रहेका छन् । राजनीतिक पृष्ठभूमी भएका र संगठनकर्ता मानिएको पौडलेको समुह नयाँ विकल्पको खोजीमा लागेको स्रोतले जनाएको छ । केही दिनअघी बसेको नयाँ शक्तीको बैठकमा देबेन्द्र पौडेलले कडै शब्दमा पार्टीको आगामी योजना र भारतसंगको सम्बन्धका विषयमा संयोजक भट्टराईको धारणा माग गरेको थिए । जवाफमा भट्टराईले नेपालमा लोकतान्त्रिक गणतन्त्र र संघीयताको मुख्य बैचारिक नेता आफु मात्र भएकोले त्यसलाई जोगाउनु नै पार्टीको कार्यनीति भएको स्पष्ट पारेका थिए ।
उनले दिएको जवाफ स्पष्ट नभएको भन्दै नेता पौडेलले संघीय समाजवादी फोरमसंग एकता गरेर विलय भए त्यो राजनीतिक आत्मसर्पण हुने चेतावनी दिएको स्रोतको दावी छ । बाबुरामका दाहिने हात मानिने नेता पौडेलले नै संघीय समाजवादीसंग एकता गर्न नहुने पक्षमा अडान लिएपछी उनी संकटमा परेको स्रोतको भनाई छ । हिजो मात्रै पार्टी संह संयोजक लगायतका केही नेताहरुले पार्टी परित्याग गरि मधेशी जनअधिकार फोरम लोकतान्त्रिकमा प्रवेश गरेका थिए भने त्यो भन्दा अगावै निर्मल भट्टराई नेतृत्वको समुहले राष्ट्रिय भेला गरेर नयाँ शक्ती नेपाल नामक पार्टी गठन गरिसकेको छ ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मञ्च क्यानडाको अध्यक्षमा रमेश धिताल चयन
प्रवासी नेपाली मञ्च क्यानडाको अध्यक्षमा रमेश धिताल सहितको कार्यसमिति सर्वसम्मत चयन भएका छन ।
अभियन्ता चौधरीलाई ‘ग्लोबल एन्टी रेसिजम च्याम्पेनसिप अवार्ड’
वाशिङ्गटन डिसी । नेपालकी सामाजिक अभियन्ता उर्मिला चौधरीे ग्लोबल एन्टी रेसिजम च्याम्पेनसिप अवार्डद्वारा सम्मानित भएकी छिन ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मधेशका मुख्यमन्त्री सिंहद्वारा अयोध्या राममन्दिर ट्रष्टका महासचिव चम्पत रायलाई निमन्त्रणापत्र हस्तान्तरण
बीरगंज । मधेस प्रदेशका मुख्यमन्त्री सतिशकुमार सिंहले उतरप्रदेशको अयोध्याधाममा आयोजित तिलकोत्सव समारोहमा भारतीय पक्षलाई निम्तोपत्र हस्तान्तरण गरेका छन ।
खेलकुद
महिला क्रिकेट खेलाडीलाई जनही दुई लाख पचास हजार पुरस्कारको घोषणा
काठमाडौँ । नेपाल क्रिकेट सङ्घ (क्यान) ले पाली महिला क्रिकेट टोलीका खेलाडीलाई पुरस्कार दिने घोषणा गरेको छ ।
क्रिकेट संघको तेश्रो साधारण सभा सम्पन्न ,क्रिकेटको बिकासकालागि प्रदेश सरकार कटिबद्ध छः मंत्री जयसवाल
बीरगंज । मधेश प्रदेश क्रिकेट संघको तेश्रो बार्षिक साधारण सभा आइतबार बीरगंजको सम्पन्न भएको छ ।
तपाईको प्रतिक्रिया