सम्बिधान कार्यान्वयनकालागि स्थानीय चुनाव आवश्यकःनेता राई

4/4/2017 गते 00 00 मा प्रकाशित 1060 पटक पढिएको

सिमरा २२ चैत्र
स्थानीय निर्वाचनको घोषणसंगै बारा जिल्लाका १५ बटा स्थानिय तह नेकपा एमाले बाराले संगठन निर्माणको कामलाई तिब्रता दिएको छ । आज एमाले जितपुरसिमरा उप–महानगरपालीका वडा नं. २२ को वडा स्तरीय भेला अमलेखगञ्जमा सम्पन्न गरेको छ । भेलालाई सम्बोधन गर्दै एमाले केन्द्रीय बैकल्पिक सदस्य दिनेश राईले सबै जातजातिलाई समेटेर नयाँ संबिधान बनेकोलेयो संबिधान कार्यान्वयनका लागि तोकिएको मितिमा स्थानीय निर्वाचन हुनुपर्न बताए । त्यसैगरी कार्यक्रममा बोल्दै एमालेबाराका अध्यक्ष सुन्दर बिकले कांग्रेस र माओबादीले देशमा जातीय द्धन्द गराउन खोजेको आरोप लगाउँदैे संबिधान कार्यान्वयन हुन नदिने षडयन्त्रमा लागेको दाबी गरे ।
भगवती ठकुरीको सभापतित्वमा सम्पन्न भेलामा नेकपा एमाले प्रदेश नं. २ का सदस्य भरत खडका,सिता गुरुङ्ग एमाले बाराका उपाअध्यक्ष देव नारायण चौधरी, एमाले बाराका प्रचार बिभाग प्रमुख मनोज पौडेल,नगर संयोजक कृष्ण खनाल, जिल्ला सदस्य तारा कार्की,रमा गुरुग,सरीता राई,भरत घले नगर सदस्यहरु अमर गुरुङ्ग,जगदीश साह,जयन्ती थापा लगाएतले बिचार ब्यक्त गरे । कार्यक्रमको संचालन सुबास श्रेष्टले गर्नु भएको थियो ।भेलाले भगबती ठकुरीको अध्यक्षतामा १ सय ५० सदस्यीय निर्वाचन प्रचार प्रसार समिति गठन गरेको छ ।