असोज २० वीरगन्ज । प्रतिनिधिसभा निर्वाचनकोलागि  नेपाली कांग्रेस भित्र उम्मेदवार ब्यवस्थापनको चुनौती देखा परेको छ । पर्सामा प्रतिनिधि सभाकोलागि ४ सिट मात्रै भएकोले यस्तो चुनौती देखा परेको हो । पर्साको क्षेत्र नं २ बाट नेपाली कांग्रेसले पार्टीका केन्द्रीय सदस्य अजय कुमार चौरसिया र बाहलवाला सभासद राजेन्द्र बहादुर अमात्यको नाम सिफारिश गरेको छ ।  यद्धपी चौरसियाको गृह गाउँ भने अहिलेको प्रतिनिधि सभाको क्षेत्र नं ३ मा पर्छ । दुई मध्य एकलाई बिश्वासमा लिएर उम्मेदवारी ब्यवस्थापन गर्न कांग्रेस नेतृत्वका सामु चुनौती रहेको छ । त्यस्तै पर्साको क्षेत्र नं ४ बाट नेपाली कांग्रेसका नेता अनुशासन आयोगका अध्यक्ष रमेश रिजालको नाम प्रस्तावीत भएको छ । चौरसिया र रिजालको एकल नाम क्षेत्रीय समितिले प्रस्तुत गरे पनि पार्टीको जिल्ला समितिले नाम थप गरेको छ । पार्टीको जिल्ला नेतृत्व र केन्द्रीय सदस्य चौरसियावीचको समबन्धमा तिक्तता आएकोले यस्तो भएको लख काटन थालिएको छ । यही कुरा नेता रामेश रिजालको हकमा पनि लागू हुने भएको छ । पार्टी सभापति द्विवेदीले एउटा मापदण्ड बनाएर नेताहरुलाई निर्विकल्प नभएको सन्देश बडो चलाकीपूर्ण रुपमा दिएका छन । क्षेत्र नं २ मा क्षेत्रीय समितिले चौरसियाको मात्र नाम पठाएकोमा जिल्ला समितिले सभासद अमात्यको नाम थपेको हो । क्षेत्र ं ४ मा इश्वरीप्रसाद कानुको नाम जिल्लाले थपेको छ । क्षेत्र नं २ मा भने पार्टी सभापति द्विवेदीको साथ अमात्यले पाउने आकंलन गर्न थालिएको छ भने पार्टी केन्द्रमा संस्थापन र पौडेल समुहको ब्यवस्थापनका नाममा अमात्यको पल्ला भारि हुने एक नेताले बताए । तर चौरसियाको  बिभिन्न शक्तिकेन्द्रहरुसंग रहेको राम्रो सम्बन्धका कारण सजिलै अमात्यले टिकट पाउने चान्स पनि देखिदैन । उम्मेदवारको निक्र्योलनै नेपाली कांग्रेसकालागि पेचिलो बन्ने अवस्था छ । क्षेत्र नं ३ बाट बाहलवाला सभासद सुरेन्द्र चौधरी युवा नेता शम्भू चौहानको नाम सिफारिश भएको छ । क्षेत्र नं १ मा भने सभासद अनिल  रुङटा र पूर्व सभासद ओमप्रकाश शर्माको नाम सिफारिश भएको छ । ओमप्रकाश शर्माको छवी बिवादीत छ । सुरेन्द्र चौधरी पार्टी सभापति हुदा “सुन तस्कर” भन्दै शर्माको आलोचना गथ्र्ये । रुङटा भने पार्टीकाम उठाउन समेत खटने कुनै पनि विवादमा नपरेका युवा उधोगी हुन । शर्मालाई पार्टी नेता बिमलेन्द्र निधिको आर्शिवाद प्राप्त छ भने रुङगटालाई आधारभूत रुपमा कांग्रेसको तल्लको इकाई देखी पार्टी सभापति सम्मको साथ रहने एक नेतालेको दावी छ ।
संघीय समाजवादी फोरमले भने पर्साको क्षेत्र नं १ बाट पार्टीका  जिल्ला अध्यक्ष प्रदीप यादवलाई एकल सिफारिश गरेको छ । एमालेले क्षेत्र नं १ बाट बाहलवाला सभासद बिचारी यादवलाई मैदानमा उतार्ने सम्भावना छ । प्रतिनिधि सभा क्षेत्र नं २ र ४ मा फोरमले अहिले कसैलाई अगाडि सारेको छैन । क्षेत्र नं ३ मा एमाले परित्याग गरि फोरम प्रवेश गरेका प्रहलाद गिरी र हरि नारायण रौनीयारको नाम सिफारिश गरेको छ । फोरमले पार्टीका उपाध्यक्ष बाहलवाला सभासद लाल बाबु राउतलाई भने प्रदेश सभाको मैदानमा उतारेको छ । राउतलाई क्षेत्र नं १ अन्र्तगत प्रदेश सभा १ मा प्रत्यासी बनाउने पार्टीले सिफारिश गरेको छ ।  
 २ बाट जन्नत अन्सारी क्षेत्र न २ को १ बाट रामनरेश यादव र २ बाट मुकेश द्धिबेदी क्षेत्र न ३ को १ बाट मन्जुर अन्सारी र २ बाट बिध्यान्चल ठाकुर एब गौरीशंकर साह तथा क्षेत्र न ४ को २ बाट वीरेन्द्र यादवको नाम सिफारिस गरेको छ । 
नेकपा एमाले र नेकपा माओवादी केन्द्रको बाम गठबन्धनलाई पनि पर्सामा उम्मेदवारी ब्यवस्थापन चुनौतीपूर्ण देखिएको छ । पर्साको क्षेत्र न ४ मा यो समस्या पेचिलो हुने छ । नेकपा माओवादीको तर्फबाट उर्मिला अर्याल नेकपा एमालेका बाहलवाला सभासद जयप्रकाश थारुको ब्यवस्थापन गठबन्धकालागि अप्ठयारो हुन सक्छ । पर्सा क्षेत्र नं ३ मा पार्टीले जयप्रकाश थारुलाई सारेर समेत ब्यवस्थापन ग¥यो भने अनौठो हुने छैन । तर थारुको जोड ४ क्षेत्रमै रहने उनी निकटले जनाएको छ । ३ मा बाहलवाला सभासद राजकुमार गुप्ताको पनि चर्चा उनको त्यतीकै चर्चा २ मा पनि छ । पर्सा जिल्लामा साबिकमा ५ संसदीय क्षेत्र भए पनि अहिले ४ संसदीय क्षेत्र रहेको छ ।पर्साबाट राजपाले शनिबार र एमालेले आइतबार उम्मेदवारको सिफारिस गर्ने जनाएको छ ।