कार्तिक १६ बीरगंज । प्रतिनिधि तथ प्रदेश सभाकोलागि आज पर्सामा उत्साहजनक रुपमा मनोनयन दर्ता भएको छ । नेशनल टेड्रीङ्गमा रहेको निर्वाचन कार्यालयमा दलहरु बाजा गाजा सहित मनोनयन दर्ता गराउन गएका थिए । शान्तिपूर्ण र उत्साहजनक रुपमा मनोनयन दर्ता भएको जिल्ला निर्वाचन कार्यालय पर्साले जनाएको छ ।

पर्साको क्षेत्र नं १ बाम गठबन्धनको  तर्फबाट निर्वाचन क्षेत्र नं १ मा बिचारी यादव २ सलीम मिया ३ मा राजकुमार गुप्ता र ४ मा उर्मिला अर्याललाई प्रतिनिधि सभा सदस्यमा उम्मेदवार दर्ता भएको छ । त्यस्तै नेपाली कांग्रेसको तर्फबाट  १ मा प्रसिद्ध उधोगपति अनिल रुङगटा २ मा अजय चौरसिया ३ मा सुरेन्द्र चौधरी र ४ मा रमेश रिजालको उम्मेदवारी दर्ता भएको छ । राजपा फोरम गठबन्धनको तर्फबाट १ मा प्रदीप यादव २ मा बिमल श्रीवास्तव ३ मा हरिनारायण रौनीयार र ४ मा लक्ष्मणलाल कर्णको उम्मेदवारी दर्ता भएको छ ।

 प्रदेश सभा तर्फ नेपाली कांग्रेसले १ को १ मा रामनारायण कुर्मी २ मा बिजय सर्राफ २ को १ मा राजेश्वर साह तेली २ मा रामरुप कुर्मी ३ को १ मा चन्द्रकिशोर चौधरी २ मा जनार्दन सिंह क्षेत्री ४ को १ मा शंकर चौधरी र ४ को २ मा बशिष्ठ नारायण कुर्मीको  उम्मेदवारी दर्ता गरेको छ  । बाम गठबन्धनको तर्फबाट निर्वाचन क्षेत्र नं १ को १ बाट शम्भू गुप्ता  २ बाट रहवर अन्सारी निर्वाचन क्षेत्र नं २ को १ बाट रामचन्द्र साह, २ बाट छोटेलाल पटेल ३ को १ मा नागेन्द्र चौधरी २ मा छोटेलाल यादव ४ को १ मा जयप्रकाश थारु २ मा सुरेश पटेलको उम्मेदवारी दर्ता भएको छ ।

राजपा फोरम गठबन्धनको तर्फबाट निर्वाचन क्षेत्र नं १ को १ मा जन्नत अन्सारी , २ मा लालबाबु राउत गद्धी,  निर्वाचन क्षेत्र नं २ को १मा राम नरेश यादव २ रमेृश पटेल निर्वाचन क्षेत्र नं ३ को १ मा अब्दुल रहिम र २ मा प्रहलाद गिरी निर्वाचन क्षेत्र नं ४ को १ मा रामचन्द्र पंडित र २ मा सिहासन कल्वारको उम्मेदवारी दर्ता भएको छ । फोरमले निर्वाचन क्षेत्र नं १ को २ मा पहिला फिरोज मन्सुरलाई टिकट दिएर उम्मेदवारी दर्ता भएपनि पछि उनको सट्टामा जन्नत अन्सारीको मनोनयन दर्ता भएको हो । मन्सुरको टिकट पार्टी अध्यक्ष प्रदीप  यादवले रद्ध गराउन लगाएका हुन ।  

राजपा फोरम गठबन्धनमा टिकट बितरणको बिषयलाई लाई चरम असन्तुष्टि देखिएको छ । त्यसको प्रभाव राजपाका सह महासचिव शिव पटेल निर्वाचन क्षेत्र नं २ को २ नम्बर प्रदेश सभामा स्वतन्त्र उम्मेदवार बनेका छन । राजपाका नगर अध्यक्ष ओम प्रकाश सर्राफ क्षेत्र नं १ को प्रदेश सभा “ख” २ नम्बरमा स्वतन्त्र उम्मेदवार बनेका छन । राजपाका अर्का महासचिव महमद कदम रसुल र जिल्ला अध्यक्ष इमदाद गदीले नेपाल संघीय समाजवादी पार्टीको टिकट बाट निर्वाचन क्षेत्र नं १ र ४ मा प्रतिनिधि सभाको उम्मेदवारी दर्ता गरेका छन ।

सोही पार्टीबाट पर्साको क्षेत्र नं ३ मा राजकुमार यादवको उम्मेदवारी परेको छ । राजपाको महिला संगठन पर्साको अध्यक्ष अनिता रौनीयारले पनि नेकपा मालेको तर्फबाट उम्मेदवारी दर्ता गराएकि छिन । निर्वाचन क्षेत्र नं १ को प्रदेश सभा २ मा उनले उम्मेदवारी दिएकी हु्न ।

साझा बिवेकशिल पार्टीको तर्फबाट पर्सा क्षेत्र नं १ मा डा.महम्मद राजाले उम्मेदवारी दिएका छन । यस अघि राजपा फोरम गठबन्धन आदर्शनगर रंगशालामा ,नेपाली कांग्रेस ठाकुरराम बहुमुखी क्याम्पस अगाडि र नेकपा एमाले आफनै पार्टी कार्यालय मनमोहन नगर रानीघाट बाट जुलुस सहित मनोनयन दर्ताको लागि निर्वाचन अधिकृतको कार्यालय गएका थिए ।