कार्तिक १६ बीरगंज । राजपाका महासचिव शिव पटेल केही सहयोगी सहित पौने पाँच बजे निर्वाचन कार्यालयमा प्रवेश गरे  । उनीसंगै थिए राजपाका बीरगंज महानगर अध्यक्ष ओमप्रकाश सर्राफ । मनोनयन दर्ताको अन्तिम समयमा उनीहरुले प्रदेश सभामा उम्मेदवारी दर्ता गरे ।

राजपाको तर्फबाट पर्सा निर्वाचन क्षेत्र नं १ को २प्रदेश सभामा उठने तयारीमा थिए सर्राफ तर सहमतीको नाममा उनी प्रदेश सभा फोरमको भागमा प¥यो । उनी रित्तै । पार्टीका उपाध्यक्ष सुरेन्द्र कुर्मीले २ नम्बर क्षेत्रको प्रदेश सभा २ बाट उम्मेदवार हुने तय थियो तर अन्तिम समयमा टिकट रमेश पटेलको हात प¥यो । महन्थ ठाकुरका कारण टिकट खोसिएको ठान्दै  पूर्व सदभावनाका नेता कार्यकर्ताहरु आक्रोशित भए ।

त्यही करण महासचिव रहेका शिव पटेलले २ नम्बर क्षेत्रको २ प्रदेश सभामा बागी उम्मेदवारी दर्ता गराए । मधेश आन्दोलनमा निकै महत्वपूर्ण भूमिका निर्वाह गरेका युवा नेताको बिद्रोहले मधेशी गठबन्धनलाई अप्ठयारोमा पार्ने अवस्था छ । राजापाका पूर्वमा रहेका सबै शिर्ष नेताहरुले आफनो सीट सुरुक्षीत गर्न पर्साको सीट फोरमलाई बुझाएको उनीहरुको बुझाई छ ।  पूर्वका नेताहरुको हेपाह प्रवृतिको बिरुद्धको बिद्रोह पनि हो बागीहरुको कदम ।

मधेश मुक्ति सामाजिक बिकास र रुपान्तरणको पक्षमा अविचलित रुपमा क्रियाशिल हुनकालागि स्वतन्त्र रुपमा उम्मेदवारी दिने अवस्था आएको सर्राफको भनाई छ । उनले यो उम्मेदवारी पार्टीका इमान्दार कार्यकर्ताहरुलाई राजनीतिक शहीद बनाउने पार्टीको नेतृत्वको गैरराजनीतिक निर्णयको बिरुद्धमा रहेको बताए । राजपाबाट बिद्रोह गरेर वागी उम्मेदवारी दिएकाहरुले पार्टीबाट राजीनामा दिएका छैनन । उनीहरुले आफूहरु मधेशवाद प्रति समर्पित रहने बताएका छन ।

राजपाका अर्का महासचिव कदम रसुलले पार्टी परित्याग गरेर नेपाल संघीय समाजवादी पार्टीबाट निर्वाचन क्षेत्र नं १ को प्रतिनिधि सभाको सदस्यमा उम्मेदवारी दिएका छन । राजपाका जिल्ला अध्यक्ष मण्डलका एक जना इमदाद गदी समेत पर्साको निर्वाचन क्षेत्र नं ४ बाट प्रतिनिधि सभाको सदस्यमा उम्मेदवार भएका छन । उनको उम्मेदवारीले राजपाका सह अध्इक्ष लक्ष्मणलाल कार्णलाई समस्यामा पार्ने छ ।

लक्ष्मणलाल कर्ण आफै पनि जनतामा आधारित  राजनीति गर्ने नेता नभएकोले बागीले उनलाई अप्ठयारो पार्ने राजपाका एक नेताले बताए । त्यस्तै राजपाको महिला संगठनको जिल्ला अध्यक्ष अनिता रौनीयारले पनि पार्टी परित्याग गरि नेकपा मालेको तर्फबाट प्रदेश सभामा उम्मेदवारी दिएकी छिन । उनले पनि १ नम्बर क्षेत्रको प्रदेश सभा २ बाट उम्मेदवारी दिएकी हुन ।

मधेशीलाई बिभेद भयो भन्दै आन्दोलनमा उत्रन उकसाएर आफूहरु कुर्सी सुरक्षीत पार्न मधेशी दलका नेता ब्यस्त भकोएले आफूले पार्टी परित्याग गरेको बताइन । उनले मधेशी नेताहरुले मिलेर बसेको समाजमा तिक्तता ल्याएर बिभाजन ल्याएको उनले बताइन ।

बागीहरुलाई पार्टीका नेताहरु नेजामुदिन समानी,सुरेन्द्र कुर्मी लगायतको सर्मथन रहेको छ । पार्टीका अर्का महासचिव राजेशमान सिंह समेत गठबन्धनको पक्षमा नरहेको चर्चा चल्न थालेको छ । संघीय समाजवादी फोरम भित्रै पनि टिकट बितरणमा एकलौटी भएको भन्दै युवा नेताहरु आक्रोशित भएका छन । उनीहरुको ब्यवस्थापन हुन नसके फोरमलाई सबै क्षेत्रमा प्रभाव पार्ने छ ।

नेपाली कांग्रेस भित्र निर्वाचन क्षेत्र नं १ र ४ माहेक अन्य क्षेत्रमा पार्टी भित्रकै समस्याले अप्ठयारो पार्ने कांग्रेसीहरुको भनाई छ । नेकपा एमाले भित्र र नेकपा माओवादी केन्द्र भित्र पनि आन्तरिक किचलो अति छ । त्यो अतिले खती ल्याउने छ ।

सबै दलहरु अन्तरिक समस्याबाट गुज्रीरहदा जित कसले निकाल्छ भन्ने कुराको अनुमान लगाउन समेत कठिन भएको छ ।