वीरगन्ज - चुनावका सम्बन्धमा अमेरिकी राष्ट्रपति थियोडर रुजबेल्टको एउटा भनाई बढी प्रसिद्ध छ । उनी भन्ने गर्थे – ‘मत भनेको बन्दुकजस्तै हो, यसको उपयोगिता प्रयोग गर्नेको चरित्रमा निर्भर गर्छ ।’ जसरी राइफल एक अनुशासित सैनिकको हातमा प¥यो भने त्यो शान्ति सुरक्षा कायम गर्नमा काम आउँछ, तर, त्यो कुनै डाँकाको हातमा प¥यो भने फेरि त्यसैले शान्ति सुरक्षा भंग गर्छ ।

त्यसरी नै मत सुझबुझ भएका र गुणदोष केलाउन सक्ने मानिसको हातमा पर्न गयो भने त्यसबाट एक असल नेता चुनिन्छ । तर यसको उल्टो मतदाता अन्धभक्त र प्रलोभनमा पर्न गए भने परिणामतः एक अवसरवादी र भ्रष्ट मानिस चुनिन्छ । परिवर्तन शान्तिपूर्ण रुपमा गर्ने र नेतृत्वलाई वैधानिकता दिने एउटै र अनुपम बाटो भनेकै चुनाव हो जो मानव सभ्यताको पछिल्लो समयमा आएर ज्यादा मौलाउन गएको देखिन्छ ।

आसन्न मंसिर २१ गतेको प्रतिनिधी सभा निर्वाचनका लागि पर्सा क्षेत्र नम्बर एकबाट निवर्तमान सांसद तथा युवा उद्योगी अनिल रुंगटाले कांग्रेसबाट उम्मेदवारी दिएका छन् । सालिन, सभ्य र जनताको हरेक दुखसुखमा साथ दिँदै आएका रुंगटा शान्तिपूर्ण परिवर्तनमा विश्वास राख्छन् । संविधान निर्माण ताकापनि पार्टी भित्र र बाहिर पटक पटक मधेसको मांग सम्बोधन गर्न आवाज बुलन्द गर्दै आएका थिए । संविधान संशोधन सहित आर्थिक समृद्धि र विकासको नारा लिएर निर्वाचनमा होमिएका छन् ।

वामगठबन्धन संशोधनप्रति अनुदार रहँदै आएको र मधेसी दल पर्सा देखि सप्तरीसम्मको आठ जिल्लामा मात्र सिमित रहेकाले मधेसीको माग पुरा गर्नका लागि राष्ट्रिय पार्टी कांग्रेसको बहुमत आउन आवश्यक रहेको देखिन्छ । मुलुककै एक सफल उद्योग जगदम्बा इन्टरप्राइजेजका सञ्चालक अनिल रुंगटालाई भौतिक पूर्वाधर र विकासमा कसरी अगाडि बढ्ने भन्ने ज्ञान प्रचुर मात्रामा छ । नेपालको आर्थिक र व्यापारिक नगरीलाई बन्द, हडतालबाट मुक्त गर्दै विकासको पथमा अगाडि बढाउने उनको योजना छ । अनिल रुंगटा राजनीतिक एवं व्यवसायिक व्यक्तित्व हुन् ।

विद्यार्थी कालदेखिनै नेपाली कांग्रेसको राजनीतिमा सक्रिय रहँदै आएका रुंगटा संविधानसभा सदस्य हुँदै रुपान्तारित व्यवस्थापिकाका निवर्तमान सांसद हुन् । नेपाली कांग्रेसमा जिल्लादेखि केन्द्रसम्म निकै राम्रो सम्बन्ध भएको राजनीतिज्ञका रुपमा उनलाई चिनिन्छ । वीरगन्ज उद्योग वाणिज्य संघका पूर्व अध्यक्ष ओमप्रकाश रुंगटाका छोरा अनिल बुबाले गरेको हार्डवेयर फलामसम्बन्धी सामग्रीको व्यवसायबाट व्यवसायमा संलग्न रहँदै आएका छन् ।

जगदम्बा इन्टरप्राइजेजका सञ्चालक रुंगटा होटल व्यवसायमा पनि संलग्न छन् । राजनीति र उद्योग–व्यवसाय एकसाथ सफलताका साथ गर्दै आएका रुंगटा जनताका हरेक दुखसुखमा सहयोग पु¥याउने व्यक्तिको रुपमा पनि समाजमा चर्चित छन् । पार्टीमा उनको सक्रियता र स्थानीय स्तरमा चर्चित भएकाले नै मंसिर २१ गते हुने प्रतिनिधी सभा निर्वाचनका लागि कांग्रेसले अनिल रुंगटालाई पर्साको क्षेत्र नम्बर १ बाट प्रतिनिधीसभा निर्वाचनमा उम्मेदवार बनाएको हो ।

४९ वर्षीय अनिल विद्यार्थीकाल देखिनै कांग्रेसको राजनीतिमा सक्रिय छन् । २०४२ सालदेखि नेपाल विधार्थी संघमा आवद्ध भएका उनी २०४६ को आन्दोलनदेखि सक्रिय पार्टी राजनीतिमा लागेका हुन् । ०७० सालमा समानुपातिक सभासद भएका उनी संविधान निर्माणपछि पहिलो पटक हुन लागेको आमचुनावमा प्रत्यक्षतर्फका उम्मेदवार बनेका छन् ।

जनताकै मतबाट अनुमोदित भएर प्रतिनिधी सभामा निर्वाचत भई यस क्षेत्रको भौतिक पूर्वाधार र विकास निर्माण गर्ने उनको चाहना छ । यसका लागि केन्द्रबाट स्थानीय स्तरमा कसरी योजना ल्याउने अनुभव उनले बटुलेका छन् ।

विभिन्न मन्त्रालय र विभागमा उनको राम्रो पकड छ । संविधान संशोधनका लागि मधेस केन्द्रीत दल भन्दा पनि कांग्रेसकै बहुमत आउन जरुरी छ । मधेस केन्द्रीत दल (फोरम र राजपा) ८ जिल्लामा मात्र सिमित भएकाले संशोधनका लागि यि दलसंग बहुमत पुग्दैन् । एमाले र माओवादी मिलेर बनेको वामगठबन्धनले यसैपनि मधेसको मुद्दा सम्बोधनमा अनिच्छिुक रहेका छन् ।