बीरगंज ७ मंसिर । राज्यले पटक पटक दण्डित गरेको निर्माण कम्पनी पप्पु कन्ट्रक्शनका प्रवन्ध निर्देशक हरिनारयण रौनीयार बिकास र मधेशको अधिकार आफनो एजेण्डा भन्दै जनता झूक्याउन तल्लिन छन् ।

पर्साको निर्वाचन क्षेत्र नं ३ का जनतालाई बिकासको आश्वासन बाड्ने रौनीयार नेपालकै बिकासको अवरोधक भएको जनताले चाल पाइसकेका छन् । “क”श्रेणीको ठेकेदारका हैसियतले नेपालको बिभिन्न ठाउँको भौतिक पूर्वाधार निर्माणकालागि उनले ठेक्का लिएका छन् । तर काम नगरि जनताले तिरेको करबाट संकलन भएको रकम मोविलाइजेशनको रुपमा लिएर देश र जनतालाई नै सास्ती दिएका छन । रौनीयारका नक्कली कुराले जनतामा प्रभाव पर्दैन उनकै चुनाव क्षेत्र महुवनका एक युवा नरेशले भने “पर्सा जिल्लामै उनले गरेका कामहरु आज सम्झना लायक केही पनि छैन उनी राज्यको ढुकुटी दुरुपयोग गर्ने पात्र हुन् जनताले उनलाई चिनेका छन धर्मवस्तीका रोशन भन्छन । बिकासको राग अलाप्ने रौनीयारलाई उनले “बिकास बिरोधी” भन्छन ।

ठेक्का लिएर देशको अर्वौ रुपैया “होल्ड” गर्ने मान्छेले बिकास गर्छु भन्ने कुरा पत्याउन नसकिने ति युवाको तर्क छ । मधेश आन्दोलनको हिमायती भएको देखाउन पछि नपर्ने रौनीयारले त्यो आन्दोलनलाई समेत आफनो हितका उपयोग गरेका छन । मधेशीहरुमाथि बिभेद भएको भन्दै चर्को भाषण गर्ने रौनीयारले मधेश आन्दोलन देखाएर आफनो कम्पनीलाई कारवाही हुनवाट जोगाएका छन । मधेसमा आन्दोलन चलिरहँदा रौनियार आन्दोलन बिरोधीहरुसंग पनि कुममा कुम मिलाउदै थिए । रौनीयारले बाँके जिल्लामा जमुनाह राँझ सडक निर्माणको काममा ४ महिना म्याद गुजारेर बसेका थिए ।

तर मधेश आन्दोलनका कारण काम गर्न पाइन अवरोध सृजना भयो भन्दै उनले म्याद थप गराएका थिए । २०७२ असारमा उनको म्याद सकिएको थियो । उनको म्याद सकिदा नेपालगंजमा न त आन्दोलन थियो न त नाकाबन्दी नै तर धुत्र्याई कलामा बिशेषज्ञता हासिल गरेका रौनीयारले हुदै नभएको आन्दोलनको बदनाम गरेर आफनो दुनो सोझ्याए । आज तिनै रौनीयार मधेश आन्दोलनको खुबै पक्षपोषण मात्र गर्दैन गोही आशु पनि झार्दैछन ।

बिकासको सपना बाड्ने र सबै पूर्वाधार भएपनि आफनो मात्रै बिकास गर्ने रौनीयारलाई शहरी बिकास तथा भवन निर्माण डिभिजन कार्यालय सप्तरीले ०७२÷०७३ मा सम्झैता अनुसारको काम नगरेको भन्दै सम्झौता रकमको १० प्रतिशत ८४ लाख रुपैया जरिवाना तिराएको थियो । रौनीयारले यस्तो जरिवाना पटक पटक तिरेका छन । सप्तरीमा स्वास्थ्य चौकी निर्माणको ठेक्का लिएका थिए । बेलैमा भवनहरु नवनाएर उनले जरिवानामात्र तिरेनन् जनताको स्वास्थ्य अधिकारसंग पनि खेलवाड गरेका थिए । तिनै रौनीयार अहिले पर्साको क्षेत्र नं ३ का गाउँका सोझा साझा जनतालाई निर्माणमा लगाएको ३५ वर्षको अनुभव लगाएर बिकास गर्छु भन्दै फकाउन ब्यस्त छन । तर जनता फक्किने अवस्था भने नरहेको बिश्लेषकहरुले बताएका छन ।