वीरगन्ज, ८ मंसिर । विजय सरावगी र अनिल रुंगटा दुवैजना वीरगन्जका प्रतिष्ठित उद्योगी व्यवसायी हुन् । पछिल्लो समयमा दुवैजना राजनीतिक क्षेत्रमा पनि सक्रिय रहेका छन् । व्यापारिक घरानाबाट राजनीतिमा आएका दुवैजना अहिले अलग अलग पार्टीमा रहेका छन् । सरावगी संघीय समाजवादी फोरम नेपालका प्रदेश नम्बर २ का कोषाध्यक्ष तथा हालै सम्पन्न स्थानीय तह निर्वाचनबाट वीरगन्ज महानगरको मेयरमा पनि निर्वाचित भएका छन् ।

रुंगटा यसअघिको संविधानसभामा सामानुपातिक तर्फबाट सांसद रहेका थिए । रुंगटा विद्यार्थी राजनीतिदेखि नै नेपाली कांग्रेसमा सक्रिय रहेका छन् । सरावगी भने कहिले कांग्रेस, कहिले माओवादी नजिक रहेका थिए । २०७३ साल चैतमा उनी संघीय समाजवादी फोरम नेपालमा औपचारिक रुपमा प्रवेश गरेर राजनीतिक यात्रा शुरु गरेका हुन् । उनी वीरगन्जको मेयर बन्नकै लागि संघीय समाजवादी फोरम नेपालमा प्रवेश गरेका थिए ।

रुंगटा र सरावगी दुवै एउटै (मारवाडी) समुदायका हुन् । राजनीतिक हिसाबले अलग विचारका भएपनि उनीहरुको जातीय हिसाबले सम्बन्ध राम्रै रहेको छ । तर, मंसिर २१ गते हुने प्रतिनिधिसभा र प्रदेशसभा निर्वाचनको प्रचार प्रसारमा भने यी दुवै व्यवसायी र नेताको सम्बन्ध विगार्न सरावगीको पार्टी नै लागेको छ । सरावगी र रुंगटाबीचको सम्बन्ध विगार्नका लागि सरावगीले बोल्दै नबोलको कुरा अहिले संघीय समाजवादी फोरम नेपालको इमेलबाट समाचार पठाएर उनीहरुबीचको सम्बन्धालाई विगार्न खोजिएको देखिएको छ ।

अनिल रुंगटा प्रतिनिधिसभा निर्वाचनमा पर्साको निर्वाचन क्षेत्र नम्बर १ मा नेपाली कांग्रेसको तर्फबाट उम्मेदवार बनेका छन् । सरावगी उनको पार्टीबाट प्रतिनिधिसभा निर्वाचनमा क्षेत्र नम्बर १ बाटै उम्मेदवार रहेका प्रदीप यादवलाई जिताउन अभियानमा लागेका छन् । फोरम नेपालको इमेलबाट आएको “बहुरुपिया अनिल रुंगटाबाट सावधान रहन मेयर सरावगीको अनुरोध” शीर्षकको सामाचारमा सरावगीले कहि कतै त्यस्तो नबोलेको स्पष्ट पारेको स्रोतको भनाई छ ।

यसले दुवैजनाबीचको सम्बन्धलाई विगार्न खोजिएको मात्र छैन मेयर बीरगंज प्रति अबिश्वास समेत गरिएको छ । मेयर विजय सरावगी अहिले वीरगन्ज महानगरपालिका कार्यालयको काम चुस्त दुरुस्त बनाउनुपर्नेमा चुनावी दौडाहामा व्यस्त छन् तर उनको यो दौडाह प्रति उनकै पार्टीका नेताहरुको बिश्वास छैन । त्यही अविश्वासका कारण फोरम नेपालको इमेलबाट “बहुरुपिया अनिल रुंगटाबाट सावधान रहन मेयर सरावगीको अनुरोध” शीर्षकको सामाचारमा सार्वजनीक गरिएको छ, ।

‘उनी एउटा दलको मात्र मेयर हैनन्,’ इनर्वाका उमेश यादव भन्छन्, ‘उनलाई वीरगन्जवासीले जिताएका हुन् ।’ संघीय समाजवादी फोरमको मात्र मेयर भएको भए सोही पार्टीका उपमेयरका उम्मेदवार पिन्की यादवपनि विजयी हुन्थीन् । उपमेयरमा कांग्रेसकी शान्ति कार्की विजय भइन् । फोरम जिल्ला अध्यक्ष तथा क्षेत्र नम्बर एकका उम्मेदवार प्रदीप यादवकी श्रीमती पिन्की यादवलाई ठूलो मतान्तरले हराउदै कार्की उपमेयरमा बिजयी भएकी हुन् ।

प्रदीप यादवको विगतको छवि र पार्टीमा हैकमवादकै कारण पूर्व शिक्षीका रहेकी पिन्की यादव उपमेयरमा पराजित भएको वीरगन्जमा व्यापाक चर्चा हुन थालेको छ ।