०७३ चैत ८ गते सम्म ठेकेदार हरिनारायण रौनीयार नेपाली कांग्रेसमा आवद्ध थिए । जतिवेला उपेन्द्र यादवको हातबाट उनले टिका लगाईरहेका थिए । उद्धघोषकले कांग्रेस परित्याग गरि हरि नारायण रौनीयार संघीय समाजवादी फोरम नेपालमा प्रवेश गरेको घोषणा गरिरहेका थिए । नेपाली कांग्रेसको नजिक रहेर सत्ता र शक्तिको प्रयोगले सरकारलाई सताउदै आएका रौनीयार यतिवेला मेधशीको सच्चा हिमायती भएको देखाउने असफल प्रयास गर्दै छन ।

मधेश आन्दोलनमा जतिवेला सडकमा युवाहरुको टाउको र छातीमा गोली लाग्दै थियो । रौनीयार गोली चलाउन सत्तामा आसीन नेपाली कांग्रेसको बफादार सदस्य थिए । तर उनले पर्साको क्षेत्र नं ३का जनतालाई झूक्याउन निकालेको संकल्पपत्रमा आफू कांग्रेसमा संगठीत रहेको कुरा कतै उल्लेख गरेका छैनन । नेपालकै “क” श्रेणीको ठेकेदार भएका रौनीयारले जारी गरेको संकल्प पत्र ठोस छैन हावादारी छ ।

ढाँटेको कुरा काटे मिल्दैन भने जस्तै आफनो ब्यवसायीक कार्य सम्पादनमा कहिल्यै गुणस्तरीय काम नगरेका रौनीयारले गुणस्तरलाई प्रथामिकता दिन्छु भन्ने कुरा संकल्प पत्रमा लेखेका छन जुन पढ्दा त राम्रो लाग्छ तर ब्यवहारमा उनले त्यस्तो गरेको तथ्य कमै छ । नयाँ सडकका योजनाहरुलाई प्रथामिकता भनेका छन । भएकै सडकको राम्रो गति छैन । नयाँ सडकका कुरा धरातलीय यर्थाथतासंग मेल खाने देखिदैन । पर्सा जिल्लामा सडक संजालले सबै गाउँ र बस्तीलाई छोएकै छ ।

नयाँ सडक संजालको तिब्र बिस्तार गर्नै पर्दैन । त्यती मात्र होइन रौनीयारकै पप्पु कन्ट्रक्शनले पर्साको सडक स्तरोन्नतीकोलागि काम गर्दा पर्साका सडकहरु झन बिगारेका छन । रौनीयारको यस्तो कामको बिरुद्ध पर्साको जनता सडक खण्डको टेढामा जनता सडकमा उत्रिएका थिए । प्रहरीले जनताको अवरोध हटाउनु परेको थियो । पोखरिया र बहुदरामाईलाई नमुना शहरका रुपमा बिकास गर्ने भनिए पनि त्यो कसरी गर्ने भन्ने कुरा संकल्प पत्रमा छैन ।

आधारहिन रुपमा शहर नमुना बन्ने पनि होइन । नमुना शहर बनाउन यसो गर्छौ भनेर लेख्न नसक्नेले काम गर्छ भन्ने कुरा पत्याउन सक्ने आधार हुदैन । लोडसेडिङ अन्त्यको कुृरा संकल्प पत्रमा उल्लेख छ । के रौनीयारले आफनो क्षेत्रमा थर्मल प्लान्ट जडान गर्नेछन ? वा बिधुत उत्पादनको स्टेशन बनाउने छन ।

यो दुबै सम्भावना देखिदैन यस्तोमा लोडसेडिङ मुक्त गर्छु भन्नु हावा बाहेक के हुन सक्छ ? राष्ट्रीय उत्पादनमै उर्जाको आपूर्ती बढेपछि रौनीयारले भन्नै पर्दै आफै लोडसेडिङको अन्त्य हुन्छ । शहर गाउँवीच सडक यातायातको सहज सम्र्पकको स्थापना गर्ने संकल्प पत्रमा लेखेका छन ।


जनतारोड खण्डको टेढामा गुणस्तरहीन काम गरेपछि रौनीयार बिरुद्ध टायर बालेर बिरोध गरेका थिए । प्रहरीले टायर निभाएपछिको तस्विरः तस्विर इसीमान

रौनीयारलाई पर्साको सडक संजालको बारेमा ज्ञान छैन भन्ने कुरा उनको यही हावादारी योजनाले पुष्टी गर्छ । यातायातमा जेष्ठ नागरिक र बिद्यार्थीहरुलाई अहिले नै सहुलीयतको ब्यवस्था छ । रौनीयारले अहिले भएको भन्दा कस्तो ब्यवस्था गर्न खोजेका हुन त्यो उल्लेख छैन । वा संकल्प पत्र बनाउनेहरुलाई यो सहुलीयतको बारेमा ज्ञान छैन ।

यातयातका साधनको पर्याप्त ब्यवस्था गर्ने संकल्प पत्रमा उल्लेख छ । के रौनीयारले साधनहरु किनेर दिने हो र ? भोली कुनै नागरिक एउटा यातायातको साधन चाहियो भनेर गयो भने रौनीयारको जवाफ के हुनेछ ? जग्गा धितो राख ऋण लेल अनी सवारी साधन किन भन्ने हुन्छ की अरु केही स्वभाविक जिज्ञासा उठन थालेको छ ? ।

नेपाल सरकारले सामुदायीक बिद्यालयको शिक्षा नै निशुल्क बनाएको छ । रौनीयारलाई यो पनि थाहा छैन । देशकै अव्वल दर्जाको निर्माण ब्यवसायी भएका रौनीयार राज्यले बिभेद ग¥यो भन्दै कुर्लन्छन । तर राज्यले के दियो भन्ने बारेमा जानकारी राख्ने जाँगर समेत चलाउदैनन । अनि जनतालाई झूक्याउन सकिन्छ की भनेर सरकारले निशुल्क बनाई सकेको शिक्षालाई निशुल्क गर्छु भन्छन ।

ठेकेदारी गर्दा राज्यको अर्वौ रुपैया होल्ड गरेर बसेका रौनीयार पटक पटक दण्डीत पनि भएका छन । अव पनि उनी दण्डीत हुने लाईनमै छन । त्यसबाट बाँच्न सासद हुन खोजेका रौनीयार मानसिक रुपमा बिक्षिप्त भएर पनि होला यस्ता कुरा लेखेर आफनो संकल्प सार्वजनीक गरेका छन । शिक्षीत बेरोजगारलाई बिना धितो ऋणको पहल भनेक छन । भोली उनले जनतालाई जवाफदिदा “मैले पहल गर्छु भनेको थिए गरे तर हुन सकेन भन्ने ”जवाफ दिने छन । अर्को कुनेै बिकल्प उनीसंग रहने छैन । किन भने उनको संकल्प पत्रमा उनले गर्न सक्ने काम केही छैन ।

धेरै कुरा पहिला नै भइसकेका छन । जनतालाई झूक्याउनकालागि मात्र उल्लेख गरिएको संकल्पले रौनीयारलाई जिम्मेवार र जवाफदेही बनाउदैन । संकल्प मार्फत उनले उम्किने बाटोमात्र खोजेका छन ।