बीरगंज २० पुष ।
बीरगंजमा बिहिवारबाट राजधानी बनाउने आन्दोलनले फराकिलो आकार ग्रहण गरेको छ । 
मधेश केन्द्रीत दलमा रहेका सहित एमाले कांग्रेस र माओवादीका राजनीतिक अगुवाहरु दलीय झण्डाभन्दा बाहिर रहेर आन्दोलनमा सहभागि भएका छन । 
बिहिवार वीरगञ्जको घण्टाघरबाट शुरु भएको  र्‍याली माईस्थान, आदर्शनगर, घडिअर्वा हुँदै पुनः घण्टाघरमा पुगेर कोणसभामा सहित सम्पनन भयो । कोणसभालाई सम्बोधन गर्दै नेताहरुले कुनै पनि हालतमा बीरगञ्जलाई प्रदेश नम्बर २ को राजधानी बनाएरै छाड्ने दृढता व्यक्त गरे ।

कोणसभामा बोल्दै कांग्रेस नेता एवं पूर्व मन्त्री सुरेन्द्र चौधरीले प्रदेश नं २ बाट बारा पर्सा हटाउने हो भने प्रदेशको आर्थिक हैसियत थाहा लाग्ने बताए ।

उनले मधेश आन्दोलनको नाममा राजनीतिक शक्ति र सत्तामा पुगेकाहरुले बीरगंजलाई बिर्सनु दुःखद भएको बताए । उनले दुरगामी असर पार्ने राजधानीको बिाष्यमा निर्वाचित भएकाहरले जनमताको प्रतिनिधित्व गर्न नसक्ने ठोकुवा गरे । उनले भने “अरुले के गर्छन थाहा छैन तर हामीहरु mबीरगंजलाई राजधानी बनाउने अभियानमा निस्क्यौ ” ।

नेकपा एमालेका नेता एवं पूर्व सभासद राजकुमार गुप्ताले बरु एमाले पार्टी छोड्न तयार रहेको तर वीरगञ्ज प्रदेशको राजधानी बनाएरै छाडने बताए ।

आन्दोलनको बेला उधोगधन्धा बीरगंजको बन्दहुने नाका बीरगंजको बन्दहुने नोक्सानी बीरगंजले ब्यहोर्नु पर्ने तर राजधानी बीरगंज नहुने भन्ने कुरा सोच्न पनि नसक्ने उनको भनाई छ ।  नेता गुप्ताले भने ‘एमाले पार्टी वीरगञ्जलाई राजधानी बनाउनुहुँदैन भनेर भन्छ भने पार्टी छोड्न तयार छु तर वीरगञ्ज राजधानी हुनुपर्छ भन्ने अडानबाट पछि हट्दिन ।’

वीरगञ्ज प्रदेश नं २ को मात्रै नभएर देशकै राजधानी हुन सक्ने हैसियत राख्ने ठाउँ भएको उनको तर्क छ । कोणसभामा बोल्दै एमाले नेता शम्भु गुप्ता, नेपाल तरुण दल बाराका अध्यक्ष लोकेश सिंह, युवा नेता ओम प्रकाश सर्राफ लगायतले चरणबद्ध आन्दोलन गर्ने चेतावनी दिए ।

यसअघि विहीबार नै नेकपा एमाले पर्साले पत्रकार सम्मेलन गरी वीरगन्जलाई २ नम्बर प्रदेशको राजधानी नबनाए आन्दोलनमा उत्रिने चेतावनी दिएको छ । वीरगञ्जको ऐतिहासिक महिमा र भौतिक पूर्वाधारको तुलना अन्य ठाउँसँग गर्न नमिल्ने भन्दै एमालेले प्रदेश नं २ को राजधानी वीरगञ्ज नै हुनुपर्ने दावी गरेको हो ।

प्रेस चौतारी नेपाल पर्साले एमाले पार्टी कार्यालयमा आयोजना गरेको पत्रकार सम्मेलनमा एमालेका जिल्ला संयोजक प्रभु हजराले प्रदेशका अन्य शहर भन्दा बीरगन्ज हरेक कुरामा अब्बल रहेको बताए । ‘रैतीलाई प्र्रजा र प्रजालाई नागरिक बनाउने आन्दोलनको शंखनाद तथा मधेश आन्दोलनको अन्तर्राष्ट्रियकरण पनि बीरगञ्जबाटै भएको हो, मध्य तराईको विकासको लागि पनि वीरगञ्ज राजधानी हुनुपर्छ ।’ संयोजक हजराले भने

वीरगञ्जलाई राजधानी बनाउने आन्दोलनको पक्षमा एमालेको सिंगो पार्टी पंक्तिकोसमर्थन रहने संयोजक हजराको भनाई छ । बर्तमान काम चलाउ सरकारले आफनो अन्तिम बेलामा गरेका नियुक्ति प्रति एमाले पर्सा असन्तोष जनाएको छ । एमालेद्वारा जारी बिज्ञप्तिमा सरकार नियुक्तिहरु बदरभागी रहेको समेत उल्लेख गरेको छ ।