पाइपलाईन परियोजनाकोलागि भण्डारणस्थलमा पाइप आइपुग्यो
वीरगन्ज, ११ माघ । पेट्रोलियम पदार्थको आपूर्तीकालागि प्रस्तावित पाइपलाई निर्माणकोलागि परियोजनाको भण्डार स्थल बीरगंजमा पाइप भित्रिन थालेको छ ।
नेपालका लागि इन्धन आपूर्ति गर्न निर्माण गर्न लागिएको अमलेखजन्ज–रक्सौल–मोतीहारी इन्धन पाइपलाइन कालागि पाइप आउन थालेको हो ।
भारत महाराष्ट्रको मुम्बईस्थित पाइप उद्योगबाट पाईप लोड भएर आएको १० वटा लरी वीरगन्ज भन्सार कार्यालयबाट पहिलो लटमा भित्रिएको हो । एउटा लरीले ३२ देखि ३५ वटासम्म कालो स्टिल पाइप बोकेर वीरगन्ज चिनी कारखाना आवासक्षेत्र भित्र बनाईएको परियोजनाको सामग्री भण्डारण गर्ने गोदाममा आईपुगेको छ ।
पहिलो लटमा २ हजार ७ सय २४.२३ मिटर पाइप जाँचपास भएर आएको हो । ४ अर्ब २० करोड रुपैयाँ लागतको यो परियोजनामा भारतले ३ अर्ब २० करोड रुपैयाँ लगानी गर्ने सम्झौता भएको छ ।
मंगलबार झण्डै दुईकरोड बराबरको पाइपको जाँचपास गरिएको वीरगन्ज भन्सार कार्यालयका सूचना अधिकारी संतोष यादवले जानकारी दिनु भयो । पाइपलाइन निर्माणका लागि आउने पाईपको भन्सार नलिन पत्राचार भएकोले त्यस अनुसार जाँचपास गरेर पाईप नेपाल भित्रिन दिएको सूचना अधिकारी यादवले बताउनु भयो ।
पाइप लाइन परियोजना निर्माणको जिम्मा पाएको इन्डियन आयल कर्पोरेसनले भारतको मोतिहारीदेखि रक्सौल सम्मका लागि निर्माण गरिने पाईपहरु भने मोतिहारीमा अनलोड गरेको छ ।
बाँकी नेपाल तर्फ आवश्यक पर्ने पाईपहरु लिएर आएको १० गाडीले अहिले पाईप अनलोड गरेका छन् ।
नेपाल र भारतबीचको दुई देशीय सम्झौताअनुसार वीरगन्ज नाकाबाट भित्रिने पाइपलाइन निर्माणमा प्रयोग हुने सामानमा भन्सार शुल्क नलिनका लागि अर्थ मन्त्रालय र भन्सार विभागले आपसी समन्वय गरेकोले भन्सार नलिईकन चेकजाँच मात्रै गरेर पठाईएको सूचना अधिकारी यादवले बताउनु भयो ।
उद्योगबाट जनवरी १४ तारेखबाट नेपालका लागि हिँडेको लरी मंगलबार वीरगन्ज भन्सारमा आईपुगेको थियो । भन्सार पास भएपछि अहिले १० वटा लरीहरुमा ल्याईएको पाईप वीरगन्ज चिनी कारखानाको आवासक्षेत्र स्थित पाईपलाईन आयोजनाको भण्डारण स्थलमा अनलोड गरिएको छ ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया