प्रदेशको राजधानी माग गर्दै २७ दिन देखी जारी आन्दोलनमा नागरिक सहभागिता बढदो छ । बीरगंज संघर्ष समितिले आयोजना गरेको शुक्रवारको बिरोध सभामा नागरिकले उल्लेख्य सहभागिता जनाए । 
बीरगंजको घण्टाघरमा आयोजना गरिएको बिरोध सभामा नागरिक समाजका बिभिन्न नागरिक समुहका प्रतिनिधिहरुको सहभागिता रहेको थियो । 

    सभामा बीरगंज उधोग बाणिज्य संघ,नेपाल बार एशोसिएशन,नेपाल पत्रकार महासंघ,सुन चाँदी ब्यवसायी संघ,नेपाल शिक्षक महासंघ,संघ संगठन,नेपाल प्राध्यापक संघ,नेपाल इीनजनियर एशोसिएशन लगायतका संस्थाका प्रतिनिधिहरुले बीरगंजलाई राजधानी बनाउनु शुरु गरिएको आन्दोलन प्रति एक्यवद्धता जनाएका थिए ।

कार्यक्रममा गायक सुुनिल पंण्डितले आफनो सांगीतीक प्रस्तुती मार्फत बीरगंजलाई राजधानी बनाउन आग्रह गरेका थिए ।
    नेपालको राजनीतिक परिर्वतनको आन्दोलनमा नेतृत्वदायी भूमिका निर्वाह गरेको बीरगंजमा राजधानी हुने सम्पूर्ण पूर्वाधार हुदा समेत राजधानी घोषणा नगरेर सरकारले अन्याय गरेको वक्ताहरुको भनाई थियो ।

उनीहरुले जनकपुरमा उधोग वाणिज्यसंघको भवन भाडामा लिएर बिधानसभा चलाउने काम भएको भन्दै बीरगंजमा बिधान सभा,मुख्यमंत्री निवास,मंत्रालय र बिधायकहरुकालागि समेत आवास हुने पूर्वाधार भएको दावी गरे । यत्रो पूर्वाधारलाई नजरअन्दाज गरिएको उनीहरुको आरोप थियो । आन्दोलनमा शहादत दिने नाका जाम गर्नेजस्ता काम बीरगंजले गर्ने ,बीरगंजलाई राजधानी बनाउन नेताहरुले बचन पनि दिने तर यतिवेला कार्यान्वयन गर्ने बेलामा इमान्दार नभएको भन्दै उनीहरुको आलोचना शुरु गरिएको छ । 

    आन्दोलनमा मधेश केन्द्रीत दलका केही नेताहरु सहभागि छन । जनताको तहबाट निर्वाचित प्रतिनिधिहरु बीरगंज राजधानी हुनु पर्ने कुरामा आफनो मत त जाहेर गर्छन तर आन्दोलनलाई “नौटंकी”को संज्ञा दिइरहेका छन । तर निर्वाचित नेताहरुको यो रबैयाको जनस्तरबाट आलोचना हुन थालेको छ ।

    बीरगंज संघर्ष समितिका संह संयोजक पूर्व सासद राजकुमार गुप्ताको अध्यक्षता भएको बिरोध सभामा नेताहरु नेपाली कांग्रेस पर्साका सचिव श्याम पटेल, किशोरी साह,नेकपा माओवादीका बाबुराम कौशीक,ओमप्रकाश सर्राफ तरुण नेता लुकेश सिंह,मनोज चोधरी,कमल चौगाई लगायतले बीरगंजलाई राजधानी बनाउने आन्दोलनको पक्षमा सहभागी हुन अपिलल गर्दै आन्दोलनले लक्ष्य प्राप्त गर्ने बताएका थिए ।

    आन्दोलनकारीहरुले कुनै पनि पार्टीको झण्डालाई बोकेका छैनन । पार्टीगत सहभागिताको अन्त्य गर्दै कालो झण्डा बोकेर उनीहरु आन्दोलनमा उत्रेका छन । सघर्ष समितिले आन्दोलनको स्वामित्व सबैले लिन सजिलो होस भनेर यस्तो गरिएको संह संयोजक गुप्ताले बताए ।

बीरगंज महानगरका प्रमुख बिजय सरावगी,बीरगंज उधोग वाणिज्य संघका अध्यक्ष ओम प्रकाश शर्मालाई आन्दोलनको अगुवाई गर्न समेत आग्रह गरिएको समितिका सदस्य अरविन्द गुप्ताले बताए । उनले आन्दोलन बीरगंज र यस क्षेत्रको हितको निम्ति भएको दावी गरे । कुनै पार्टी र बिचारधारा अंगालेकै कारण आन्दोलनमा सहभागि हुन नहुने तर्क ठिक नभएको अर्का युवा नेता मनोज चौधरीको भनाई छ ।