मुआव्जा प्रति असन्तुष्ट जग्गाधनीहरु आन्दोलीत, आईसीपीको निर्माण कार्य प्रभावित
माघ २६ बीरगंज , । एकीकृत भन्सार जाँच चौकी निर्माणकालागि जग्गा अधिग्रहण गरिएका जग्गाधनीहरुले आन्दोलन शुरु गरेका छन । उनीहरुले पाएको मुआव्जाप्रति असन्तोष जनाउदै निर्माणको अन्तिम चरणमा आन्दोलन शुरु गरेका हुन । उनीहरुको आन्दोलनका कारण निर्माण कार्य समेत प्रभावित भएको छ ।
जग्गाधनीहरुको सघर्ष समितिले शुक्रबारदेखि आईसीपी नेपालको मूल गेटमा धर्ना दिएर आन्दोलन शुरु गरेका छन । उनीहरूले बिहान ११ बजेदेखि दिउसो २ बजेसम्म मूल गेटमा धर्ना दिएका हुन् ।
सरकारले ०६२ र ०६३ सालमा ३ सय ४६ जना जग्गा धनीको १ सय १० विगाहा जमिन रोक्का राखेर ०६५ सालको साउनदेखि मुआब्जा वितरण सुरु गरेको थियो ।
जग्गाधनीहरूले तत्कालिन अवस्थामा अब्बल, दोयम, सीम, चहार गरी क्रमश ७३ हजार, ७२ हजार, ७१ हजार, एवं ७० हजार मुआब्जा लिईसकेका छन् ।
संघर्ष समितिले नेपाल सरकारद्वारा गठित सरकारी समितिले सिफारिस गरेको जग्गाको मोल प्रतिकठ्ठा ५ लाख ६२ हजार ७ सय रुपैयाँ उल्लेख गरेकामा ०६७ सालदेखिको ब्याजसहित क्षतिपूर्ति रकम उपलब्ध गराउनुपर्ने, परियोजना भित्र प्रभावित प्रति परिवारका लागि एक रोजगारको व्यवस्था गर्नुपर्ने, आईसीपी बाहिर उत्तर पश्चिमको ग्रेभल सडक एवं कच्ची नाला तत्काल पीच एवं पक्की हुनुपर्ने लगायतका माग राखेको छ ।
४ बुँदे माग राखेर संघर्ष समितिले गत मंगलवार प्रमुख जिल्ला अधिकारी मार्फत प्रधानमन्त्रीलाई ज्ञापन पत्र समेत बुझाएका थिए ।
आफूहरूको माग पूरा नगरिए आगामी बुधवारदेखि आईसीपीको मूख्य गेटमा तालाबन्दी गरी अनिश्चितकालिन धर्ना बस्ने चेतावनी संघर्ष समितिले दिएको छ ।
भारततर्फको आईसीपीको निर्माण सम्पन्न भईसकेको लामो सयम भईसक्दा पनि नेपालतर्फको काम सम्पन्न हुन सकेको छैन् ।
आवासीय जग्गालाई तीन वर्ष रोक्का राखेर किसानलाई परिबन्दमा पारी कम मुआब्जा वितरण गरिएकोले विरोध गर्नुपरेको संघर्ष समितिका अध्यक्ष सुमेश्वरनाथ उपाध्यायले बताए ।
भारत सरकारले भारतीय क्षेत्रमा सोही परिमाणको जग्गाको अधिग्रहण गर्दा उच्च क्षतिपूर्ति दिएको तर आफूहरूले क्षतिपूर्ति रकम वृद्धि गर्न माग राख्दा सुनुवाई नभएको समितिको गुनासो छ ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया