जगतगुरु शंकराचार्य बीरगंज आउने , समाजसेवी बैद्यको अध्यक्षतामा स्वागत समिति गठन
बीरगंज, १ जेष्ठ ।
नेपालको आर्थिक राजधानी एवं ऐतिहासिक शहर बीरगंजमा जेष्ठ ६ गते जगत गुरु शंकराचार्य पुज्यपाद स्वामी श्री निश्चलानन्द सरस्वती महाराज आउने भएका छन् । मुल समारोह समितिका अध्यक्ष अशोक बैद्यले मंगलवार रानीसती धर्मशालामा पत्रकार सम्मेलनको आयोजना गरि यस्तो जानकारी दिएका हुन ।
जगतगुरु शंकराचार्य जेष्ठ ६ गते बीरगंजमा आगमन हुने र साँझ ४ बजे घण्टाघरमा भब्य स्वागत गरिने बैद्यले बताए । बीरगंजको एतिहासिक एवं प्रसिद्ध गहवा माई मन्दिर, अलखिया मठ, महाबीर मन्दिरमा विशेष पुजापाठ गर्नुका साथै शभा यात्रा सहित नगर परिक्रमा गरि गोपाल मण्डली धर्मशालामा समापन गरिने कार्यक्रम रहेको उनले जानकारी दिए।
बैद्यका अनुसार जेष्ठ ७ गते विहान ९ः३० बजे शंकराचार्य सँग दर्शन भेट, १०ः३० बजे दिक्षा एवं १२ः०० बजे पादुका पुजन गर्ने र साँझ ४ बजे आर्दश नगर रंगशालामा हिन्दू धर्म जागरण सभा एवं नागरिक अभिनन्दन गर्नुका साथै बेलुकी ७ बजे गोपाल मण्डलीमा जगत गुरु शंकराचार्यको पत्रकार सम्मेलन गर्ने र जेष्ठ ८ गते विहान ८ बजे विशेष विदाई समारोह कार्यतालिका रहेको बैद्यले बताए।
जेष्ठ ७ गतेको विशेष कार्यक्रममा प्रदेश नं. २ प्रमुख महामहिम रत्नेश्वरलाल कायस्थको विशेष उपस्थिति रहने छ । कार्यक्रम सफल एवं भब्य, सभ्य बनाउनका लागि समाजसेवी अशोक बैद्यको अध्यक्षतामा १ सय ५१ सदस्यीय स्वागत मुल समिति समेत गठन भएको छ ।
पत्रकार सम्मेलनमा स्वागत मुल समितिका उपाध्यक्ष माधव राजपाल, सचिवद्धय डा अनिल झा, मदन गुप्ता, हिन्दु परिषद् नेपालका केन्द्रीय अध्यक्ष एवं स्वागत मुल समितिका मिडिया प्रमुख संतोष पटेल, पादुका पुजन समितिका संयोजक पंडित पुरुषोत्तम दुुबे, हिन्दु परिषद नेपाल पर्सा जिल्लाका अध्यक्ष एवं दिक्षा समितिका संयोजक धर्मेन्द्र पटेल, स्वागत समितिका सदस्य एवं सानो पाइलाका कार्यक्रम निर्देशक अजितम पाण्डे, स्वागत समितिका सदस्य एवं हिन्दु परिषद नेपालका केन्द्रिय सदस्य लालबाबु कुर्मी सहित अन्य सदस्य एवं संचारकर्मीहरुको सहभागिता रहेको थियो ।
जगतगुुरु शंकराचार्यको तीन दिने बीरगंज कार्यक्रमलाई भब्य अन्य एतिहासिक बनाउन स्वागत मुल समितिका अध्यक्ष अशोक बैद्यले यस भेगका राजनीतिक दलका अगुवा, समाजसेवी, नागरिक समाज, संचारकर्मी, प्रहरी प्रशासन एवं सरोकारवाला संघसंस्थाहरुलाई कार्यक्रम सफल बनाउन अनुरोध गरेका छन् ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया