भ्रष्टाचार ठहर भए राजीनामा दिन्छुू भन्ने सीएमः साहेब अब के गर्ने ?अख्तियारले भनिसक्यो , भ्रष्टाचार गरेको हो भनेर । लोसपाका युवा नेता मुकेश द्विवेदीले आफनो फेसबुक पेजमा स्टाटस लेखेका छन ।

उनको  स्टाटसमा आएका प्रतिक्रियामा राजीनामा नै उचित मार्ग भन्ने सन्देश छ । ब्यङ्य र आक्रोश पनि उतिकै छ । 

यसैवीच प्रमुख प्रतिपक्षी दल लोकतान्त्रिक समाजवादी पार्टी प्रदेश २ संसदीय दलका नेता जितेन्द्र सोनलले  पनि मुख्यमन्त्रीले तुरुन्त राजीनामा दिनुपर्ने बताएका छन । 

प्रदेश २ मा सञ्चालित सम्भवत  सबैभन्दा बढी चर्चा पाएको , नेपालको राष्ट्रपती बिद्यादेवी भण्डारीले खुलेर प्रशंसा गरेको  सरकारी योजना ‘बेटी पढाऊ, बेटी बचाऊ’  मा अनियमितताको शङ्का गर्दै अख्तियार दुरुपयोग अनुसन्धान आयोगले गत १५ असोजमा मुख्यमन्त्री कार्यालयमा छापा मारेर कागतपत्रहरू नियन्त्रणमा लिएको थियो।

मुख्यमन्त्री कार्यालयले चार चरणमा गरी ४१ हजार २ सय ६२ थान साइकल खरिदमा भएको झन्डै २९ करोड खर्चविरुद्ध उजुरी परेको थियो । त्यही उजुरीका आधारमा भएको छानवीनमा भ्रष्टाचार भएको देखिएको हो । 

अख्तियारले छापामारेर कागजपत्र नियन्त्रणमा लिएपछि मुख्यमन्त्री राउतले  “अख्तियारले छापा मार्ने तरीका ठीक भएन। जुन हिसाबले अख्तियारले छापा मार्‍यो, त्यो फट्याइँ हो,” भनेका थिए ।

उनले अख्तियारले छापा हाने लगत्तै पनि मुख्यमन्त्री राउतले पत्रकार सम्मेलन गरेर मुख्यमंत्री राउतले  “सहज तरीकाले आएर फाइल मागेको भए हामी दिन्थ्यौं। तर, छापामार शैलीमा आउनु प्रदेश सरकारमाथिको षड्यन्त्र हो।” भनेका थिए । तर अख्तियार दुरुपयोग अनुसन्धान आयोगको बर्दिवास कार्यालयले साइकल खरिदमा भ्रष्टाचार भएको पुष्टि गरेपछि मुख्यमंत्री राउतको राजीनामाको माँगले गती समातेको छ ।

साइकल वितरण कार्यक्रममा भ्रष्टाचार गरेको आरोप लागेपछि प्रदेश २ सरकारका मुख्यमन्त्री लालबाबु राउतले राजीनामा दिनुपर्ने माग उठेको छ ।

अख्तियार दुरुपयोग अनुसन्धान आयोगले मुख्यमन्त्री तथा मन्त्रिपरिषद्को कार्यालयमा छापा मारेर साइकल वितरण कार्यक्रमको कागजात आफ्नो नियन्त्रणमा लिएर अनुसन्धान सुरु गरे देखी नै  मुख्यमन्त्रीले राजीनामा दिनुपर्ने आवाज उठेको थियो।

अख्तियार दुरुपयोग अनुसन्धान आयोगलले  प्रथम चरणको अनुसन्धानमा भ्रष्टाचार भएको पुष्टि गरेको छ । भेष्टाचार भएको पुष्टि भएकोले मुख्यमंत्रीले राजीनामा दिनु पर्ने आवाज उठन थालेको हो । पदमा बसेर प्रमाण नष्ट गर्न सक्ने भएकोले मुख्यमंत्रीले  राजीनमा दिनु पर्नेमा जोड दिन थालिएको छ ।

 भ्रष्टाचार ठहर भइसकेकाले पदमा बसेर मुद्दालाई कमजोर बनाउनकालागि  प्रमाण लोप गर्न सक्ने भएकोले राजीनामा गरेर अनुसन्धानमा सहयोग गर्नुपर्ने आवाज जोडले उठेको छ ।