बीरगंज । वीरगन्जबाट प्रकाशित अंकुश दैनिकको बीरगंजको क्लासीक ब्याक्वेटमा आयोजीत रजत महोत्सवलाई सम्बोधन गर्दै नेपाली कांग्रेसका महामन्त्री एवम् सांसद गगनकुमार थापाले मुलुकमा लोकतन्त्र सुधारको अपरिहार्यता रहेको बताएका छन ।

उनले अब राजनीतिक दलमा पनि उच्च तहका नेतामा सुधारको आवश्यकता रहेको बताए ।

“राजनीतिक दलका उच्च नेता, कर्मचारी, स्थानीय तहका प्रमुखसम्ममा सुधारको आवश्यकता छ”, उनले भने, “सबैक्षेत्रमा सुधार गर्न सकिए मात्रै राष्ट्र विकास गर्न सकिन्छ ।”

केही व्यक्तिका कारण लोकतान्त्रिक व्यवस्थालाई नै बदनाम गर्ने प्रयास भइरहेको भन्दै उनले लोकतन्त्रको रक्षाका लागि आम सञ्चारमाध्यले सक्रिय भूमिका निर्वाह गर्नुपर्नेमा उनले जोड दिए । उनले मिडियाले उठान गरेको बिषयले प्रभाव पार्ने बताए ।

उनले मिडियाले अनधिकृतमा नागरिकताको सिफारिश गर्नेहरु कानूनको दायरामा आउन सक्नेछन भन्ने कुरा स्थापित गर्नु पर्ने बताए । मिडियाले नैतीक सवाल खडा गनेृ भएकोले कानूनी रुपमा दण्डीत हुने काम गर्नेहरु निरुत्साहित हुने बिश्वास ब्यक्त गरे ।

उनले पदमा भएकै कारण किर्ते नागरिकता सिफारिश गर्नेहरुले दण्डीत हुन नपर्ने अवस्था आउन दिन नहुने बताए । उनले गठकन्धनमै भएका कारण र्किे नागरिकता बनाउने छुट पाउछ, कैद मिनाह पाउछ कसैले जेल बाट छुटकारा पाउछन यो प्रवृति सर्वथा अनुचित हो यसमा राज्यले समेत समान ब्यवहार नगरेको अवस्थामा मिडियाले सवाल उठाउनु पर्ने उनको भनाई छ । गलत गर्नेहरुलाई राज्यले उन्मुक्ति दिए मिडियाले प्रश्न गर्छ त्यसको जवाफ दिनु पर्छ भन्ने वतावरण मिडियाले बनाउन सक्नु पर्ने उनले बताए ।

उनले राजनीतिक, प्रशासनिकलगायत हरेक क्षेत्रमा देखिएका समस्याबारे सञ्चारमाध्यमले तिखो प्रहार गर्नुपर्ने भन्दै उनले सबैका लागि समान अवसरको व्यवस्थालाई बलियो बनाउन सञ्चारक्षेत्रले रचनात्मक भूमिका खेल्नुपर्नेमा जोड दिए ।

त्यस अवसरमा जनता समाजवादी पार्टी नेपालका मुख्य सचेतक एवम् प्रतिनिधिसभा सदस्य प्रदीप यादव, प्रतिनिधिसभा सदस्य अजय चौरसिया, वरिष्ठ पत्रकार हरिहर विरही, कविर राणालागयतका वक्ताले व्यक्तिले गरेका कमी कमजोरीको आडमा लोकतन्त्रलाई केही अवसरवादीहरले बदनाम गर्ने चेष्टा गरिरहेको बताएका थिए ।

अंकुश दैनिकका प्रधान सम्पादक दिपेन्द्र चौहानको अध्यक्षतामा सम्पन्न भएको कार्यक्रममा स्वागत मब्तब्य अंकुश दैनीकका पूर्व कार्यकारी सम्पादक के.सी.लामिछानेले गरेका थिए भने कार्यक्रमको संचालन पत्रकार माधुरी महतोले गरेकी थिइन ।

पत्रकारहरु सम्मानीत

बीरगञ्जबाट प्रकाशित अंकुश दैनिक पत्रिकाको रजत महोत्सव समारोहमा आधा दर्जन भन्दा बढी पत्रकारलाई सम्मानित गरेको छ ।

अंकुश दैनिक पत्रिलकाले बरिष्ठ पत्रकार हरिहर बिरही, कविर राणा, ईश्वरचन्द्र गौतम बीरगन्जको सामुदायिक रेडियो नारायणी एफएमका कार्यकारी अध्यक्ष गोविन्द देवकोटा ईसीमाना डटकमका प्रधान सम्पादक के.सी.लामिछाने सहित आधा दर्जन भन्दा बढी पत्रकारहरु सम्मानित गरेको छ ।

पत्रिकाले शत्रुघन नेपाल, ओमप्रकाश खनाल, राम सर्राफ र विजय भण्डारी,राजन रौनियारलाइै पनि सम्मानित गरेको हो ।

अंकुश दैनिक पत्रिका प्रधान सम्पादक दीपेन्द्र चौहानले विभिन्न समयमा पत्रिकासंग आवद्ध भएर पत्रिकालाई यहाँसम्म पु¥याएको पत्रकारहरुलाई सम्झनास्वरुप सम्मानित गरिएको बताए । उनको अनुसार यो सम्मान अंकुश दैनिकसंग आवद्धताको सम्मान हो ।