मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
खानेतेलको ग्यालेनभित्र चरेस भरेर बाँसघारीमा लुकाएर राखिएको अवस्थामा चरेस बरामद गरेको सशस्त्र प्रहरीले जनाएको छ ।
पोखरिया नगरपालिकाको वडा नं – २ मननपुरस्थित बाँसघारीमा लुकाएर राखिएको अवस्थामा चरेस बरामद गरिएको सशस्त्र प्रहरी नायब उपरीक्षक देबेन्द्रबहादुर सिंहले बताए ।
विशेष सुराकीको आधारमा बुधबार राती सशस्त्र प्रहरी बेस क्याम्प पोखरियाबाट सशस्त्र प्रहरी नायब उपरीक्षक महेन्द्र सिंह थापाको नेतृत्वमा खटिएको टोलीले बेवारिसे अवस्थामा राखिएको दुईवटा ग्यालेन बरामद गरेको थियो ।
उक्त ग्यालेनभित्र प्लास्टिकको प्याकेट बनाएर राखिएको २४ किलो ५०० ग्राम चरेस बरामद भएको हो । बरामद चरेस इलाका प्रहरी कार्यालय पोखरियामा बुझाइएको र यस बारेमा थप अनुसन्धान भइरहेको सिंहले बताए ।
सम्बन्धित शीर्षकहरु
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया