पर्साको बागवानमा नेत्र शिविर सम्पन्न मोतिबिन्दुका रोगीहरुको निशुल्क अप्रेशन हुने

12/2/2019 गते 00 00 मा प्रकाशित 1490 पटक पढिएको

बीरगंज १६ मंसीर ।
पर्सागढी नगरपालिकाको बागवानामा सोमवार गरिएको निशुल्क नेत्र शिविरमा १ सय १३ जना मोतिबिन्दुका रोगी फेला परेका छन ।

पर्सागढी नगरपालिकाको बगवानामा आयोजित मेयर कल्याणकारी कोषद्धारा अभियानकै रुपमा आउयोजना गरिएकोे निशुल्क नेत्र शिवरमा परिक्षण गराउन आएका सेवाग्राहीहरुमा मोतिबिन्दु फेला परेको हो । मोतिबिन्दुका रोगीहरुको निशुल्क अप्रेशन समेत गरिने भएको छ ।

शिबिरको उदघाटन वीरगन्ज महानगरपालिकाका नगर प्रमुख बिजय सरावगीले गर्नु भएको थियो । बगवानाको सामुदायिक भवनमा संचालित शिबीरमा ३ सय १० जनाले अँखाको परिक्षण भएको थियो । त्यस मध्य १ सय १३ जनामा मोतिबिन्दु फेला परेको नगर प्रमुखका राजनैतिक सल्लाहकार मुकेश द्विबेदीले जानकारी गराउनु भयो ।

मोतिबिन्दु फेला परेका रोगीहरुको शल्यक्रिया मंसिर २९ गते बिरगंज स्थित माट्रिका आई फाउन्डेसनमा , तिलगंगा आँखा अस्पतालका डाक्टरहरुको टोलिबाट गरिने मेयरको नीजि सचिवालयले जनाएको छ ।

शिबिर उदघाटन कार्यक्रममा समाजवादी पार्टीका केन्द्रीय सदस्य मोहन लाल चौधरी ,शशि कपुर मिया , सिपु तिवारी ,राजनीतिक सल्लाहकार मुकेश कुमार द्विवेदी, स्थानिय नेता बृजमोहन चौधरी , वडा अध्यक्ष सन्तोष तिवारि,समाजबादी पार्टी पर्सागढिका नगर अध्यक्ष खुर्सेद आलम, सजन अग्रवाल, युवा नेता पिन्टु उपाध्या , अमोद यादव,केन्द्रिय पार्षद नन्दलाल राम, अनुज गुप्ता, विद्यार्थी नेता बिकास मेहता ,अजय साह, जादोलाल सहनि, छोटेलाल साह, , लागायत नेता कर्याकर्ता तथा स्थानीयबासीहरुको उपस्थिति रहेको थियोे ।