इटहरी । सुनसरीको इटहरीमा उपचारका लागि छोरी–ज्वाइँको घर पुगेकी एक महिलाको हत्या भएको छ।
भोजपुरबाट इटहरी आएकी ५६ वर्षीया पबीमाया बयलकोटीको हत्या भएको जिल्ला प्रहरी कार्यालय सुनसरीले पुष्टि गरेको छ।
प्रहरीका अनुसार हत्या आरोपमा उनका ज्वाइँ ४० वर्षीय गणेश साह गुप्तालाई पक्राउ गरिएको छ।
प्रारम्भिक अनुसन्धानमा गुप्ताले मदिरा सेवन गरिरहेको अवस्थामा सासू बयलकोटीले मदिरा नपिउन सम्झाउँदा विवाद उत्पन्न भएको र त्यसक्रममा ट्युबेलको ह्याण्डलले टाउकोमा प्रहार गरेको खुलेको छ।
घटनापछि गुप्ता फरार हुन खोजे पनि इटहरी क्षेत्रबाटै पक्राउ गरिएको प्रहरीले जनाएको छ। गम्भीर घाइते बयलकोटीको घटनास्थलमै मृत्यु भएको प्रारम्भिक विवरण छ।
घटनासम्बन्धी थप अनुसन्धान भइरहेको जिल्ला प्रहरी कार्यालय सुनसरीले जनाएको छ।
तपाईको प्रतिक्रिया