धोकेबाज ब्वाइफ्रेण्डलाई ‘देखाइदिने’ युवतीको अनौठो काइदा

3/23/2017 गते 00 00 मा प्रकाशित 1539 पटक पढिएको

आफुले प्रेम गरेको मानिसले धोका दिँदा कसको मन छिया छिया नहोला रु धोकेबाजको बदला लिन, धोकेबाजलाई देखाइदिन, वा विगतका प्रेम सम्बन्धका यादहरु भुलाउनका लागि मायालुहरुले अनेक जुक्ति निकाल्छन् ।
कतिले धोका दिनेको अनुहार कहिल्यै हेर्नु नपरोस् भनेर डेरा नै सर्छन् पनि । अनि कतिपयले बोली बार्छन् । अष्ट्रेलियाको मेलवर्नमा बस्ने २६ बर्षकी हिदी रुहोनेनले आफ्नो धोकेबाज प्रेमीलाई देखाइदिने अनौठो उपाय अपनाइन् ।
मेलवर्न विश्वविद्यालयकी विद्यार्थी हिदी लामो समयदेखि कुनै युवकसँग प्रेम सम्बन्धमा थिइन् । तर हाल आएर उसले आफुलाई चिटिङ गरिरहेको कुराको पत्तो पाएपछि उनको मन दुख्यो । त्यसपछि उनले धोकेबाजलाई सबक सिकाउने निधो गरिन् ।
बदला यसरी लिने सोचिन् की जो कोहीले कल्पना गर्न पनि गाह्रो । उनले धोकेबाज प्रेमीले आफुलाई उपहार दिएका सबै सामानहरुको पसल थापेर बिक्रि गरिन् । ब्वायफ्रेण्डले दिएका कपडा, जुत्ता, भिडियो गेम, मूूभी डिभिडी, किताब तथा स्पिकर जस्ता सामानहरु उनले आफ्नो ग्यारेजमा सेल लगाइन् र मानिसहरुलाई बेचिदिइन् । ती सामानहरु बेचेर प्राप्त भएको रकमले घुमफिरमा निस्कने योजना उनको छ ।
‘न रहन्छ बाँस, न बज्छ बाँसुरी’ भन्ने उखान ठ्याक्कै मिल्यो हिदीलाई । अव धोकेबाजका चिनो आफुसँग नरहेपनि यादले झस्काउने भएन । घुमफिर गरेर धोकेबाजले दिएको मुटुको घाउ निको पार्ने कोसिस पनि हुनेभयो । एजेन्सी