बन्ने भयो “गरुड पुराण”कामेश्वर र नाजिर मुख्य भूमिकामा

1/24/2018 गते 00 00 मा प्रकाशित 1909 पटक पढिएको

काठमाण्डौ १० माघ ।
फरक पृष्ठभुमीबाट आएर काठमाडौंमा बाँच्नका लागि गर्नुपर्ने सघंर्षको कथामा फिल्म ‘गरुड पुराण’ निर्माण हुने भएको छ । बुधवार राजधानीमा एक कार्यक्रमका बीच कलाकार र निर्माणपक्षको उपस्थितीमा फिल्मको औपचारिक निर्माण घोषणा गरियो ।

बिहीवारबाट छायांकन सुरु हुने यो फिल्म कमेडी जनरामा निर्माण हुनेछ । सुवास कोइराला र सुशन प्रजापतिको संयूक्त निर्देशन रहने फिल्ममा कर्मा शाक्य, प्रविन खतिवडा, कामेश्वर चौरासिया, नाजिर हुसेन, प्रकाश घिमिरे लगायतका कलाकारहरुको अभिनय रहनेछ । यसै फिल्ममार्फत नायिकाको रुपमा प्रियंका सिंह ठकुरीले डेब्यु गर्दैछिन् ।

अजित फिल्मस् प्रा.लि.को ब्यानरमा निर्माण हुने फिल्मका निर्मातामा अजित प्रजापति र अशोक गौतम रहेका छन् । कसम नेपालको कथा, सुवास कोइराला, आकाश बराल र विनोद खडिवडाको पटकथा, आकाश बरालको संवाद, कोशिश क्षेत्री र सजित श्रेष्ठको संगीत रहेको ‘गरुड पुराण’ लाई उज्वल ढकालले सम्पादन गर्नेछन् ।

कार्यक्रममा बोल्दै कर्माले फिल्मको कथा र टीमले नै आफूलाई आकर्षित गरेर फिल्म गर्न लागेको बताए । उनले भने, ‘कथा राम्रो छ । फिल्ममा मलाई एउटा संघर्षशिल पात्रको रुपमा देख्नु हुनेछ, जो आफ्नो उद्देश्य प्राप्तिमा लागेको हुन्छ ।’

आभाना प्रोडक्सन प्रस्तुतकर्ता रहेको फिल्मका सह निर्माता अशोक गौतम रहेका छन् भने छायाँकार सुशन प्रजापति हुन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।