वीरगन्ज-मुलुकको आयात-निर्यातको प्रमुख नाका वीरगन्ज भन्सार कार्यालयमा कार्यरत एजेन्टहरुको साझा संगठन वीरगन्ज भन्सार एजेन्ट संघमा अहिले गुन्डागर्दी मौलाएको छ । एकजना एजेन्टको दादागरिका कारण संघकै छवि धुमिल बन्दै गएको छ । गुन्डागर्दी गर्ने एजेन्टलाई स्थानीय प्रशासनले प्रोत्साहन गरिदि“दा संघनै अकर्मण्य बनेको छ । संघको पाचौ अधिवेशन मार्फत अध्यक्ष बन्न ललायित बनेका संघका प्रथम उपाध्यक्ष श्यामबाबु पटेलको गुन्डागर्दी शैलीका कारण संघको अगामि अधिवेशन पुनः एकपटक स्थगित हुने अवस्थामा पुगेको छ ।

अगामि शनिबार संघले ५ औ वार्षिक साधारण गर्ने निर्णय गरी सम्पूर्ण तयारी पुरा गरिसकेको थियो । ‘जिल्ला देखि केन्द्रसम्मका अतिथीलाई निम्ता समेत बाडिसकेका थियौ,’ एक एजेन्टले भने, ‘अन्तिम अवस्थामा पटेलले प्रशासनबाटै अधिवेशन रोक्ने पत्र ल्याएछन् ।’ भन्सार विभागका महानिर्देशक, वीरगन्ज भन्सार प्रमुख, सिर्सिया सुक्खा भन्सार प्रमुख देखि लिए सीमावर्ती रक्सौल कस्टमका चिफले निम्ता स्वीकारेर आउने जनाउ दिएका थिए । जबकि ५ दिन अगाडि संघका पदाधिकारीले प्रमुख जिल्ला अधिकारी केशवराज घिमिरेलाई अतिथी बनिदिनका लागि निम्ता गर्न गएका थिए । ‘त्यतिखेर स्थगनको कुनै कुरा नै गरेनन्, सीडीओ साहेबले,’ ती पदाधिकारी भन्छन्, ‘बुधबार सा“झ करिब ६ बजे अधिवेशन स्थगनको पत्र संघका अध्यक्ष विजय साहको घरमा पुगेको थियो ।’ यसै पनि पटेलको विर्तामा रहेको अलिशान महलमा रात्रि भोजका लागि जिल्लाका प्रशासकहरु बेला बेला गइरहेका हुन्छन् । भन्सारको अकुत कमाईले ठूलो क्षेत्रफलमा महलसगै परिसरमा उनले माछा पोखरी पनि खनेका छन् ।

स्थगनको पत्र लिएर बिहीबार जिल्ला प्रशासन कार्यालय पुगेका संघका पदाधिकारीलाई प्रजिअले चित्त बुझ्दो जवाफ दिन सकेनन् । विवाद देखिएकाले स्थगनको पत्र काटिएको हो, प्रजिअ घिमिरेले भने । श्यामबाबु वाहेक संघका सबै पदाधिकारी र सदस्यहरु अधिवेशनको पक्षमा रहदा रहदैपनि निर्वाचन कसरी विवादित हुन पुग्यो भनि यो सम्वाददाताले प्रश्न गर्दा प्रजिअ मौन बसे । अगामि अध्यक्षमा आफूलाई समर्थन गर्न वर्तमान अध्यक्ष विजय साहलाई पटक पटक श्यामबाबुले दबाद सृजना गर्दै आएका छन् । साहले नमानेपछि श्यामबाबुले गत पुस २४ गते राति करिब ११ बजे साहको भन्सार एरियामा रहेको निवासमा तोडफोड गराएका थिए । पार्किङ गरिएको गाडीको सीसा फुटाइदिएका थिए ।

भोलिपल्ट संघले श्यामबाबुलाई साधारण सदस्यताबाट समेत निलम्बन गरी जिल्ला प्रशासन कार्यालयमा कारबाहीका लागि निवेदन दिएको थियो । सीडीओसग राम्रो सम्बन्ध भएकाले श्यामबाबुलाई प्रशासनले सामान्य सोधपुछ पनि गरेन् । पछि श्यामबाबुले संघमा आएर माफी मागेपछि निवेदन फिर्ता लिइएको थियो । त्यही विवादका कारण माघ पहिलो साता तोकिएको निर्वाचन स्थगित भएको थियो । लामो प्रयासपछि अध्यक्ष बन्ने छाटकाट नदेखेपछि अहिले फेरि अन्तिम अवस्थामा सबै तयारी पुरा भइसकेपछि श्यामबाबुको एकल प्रयासमा सीडीओको पत्रले अधिवेशन स्थगति हुने भएको छ । ‘सीडीओ र प्रशासनलाई पकेटमा लिएर हिडछु’ - जस्ता गैरजिम्मेवार अभिव्यक्ति दिदै हिड्ने श्यामबाबुको रेर्कडेड अडियो पदाधिकारीहरुले प्रजिअ घिमिरेलाई सुनाएका थिए । प्रशासन र आफू विरुद्ध त्यस्तो अभिव्यक्ति सुन्दा पनि सीडीओ मौन बसेका देखेर सबै चकित बनेका थिए । उनले आयातकर्तालाई तस्र्याएर  भन्सार क्लियरिङको काम लिदै आएका छन् ।