बीरगंज २१ असार ।
बीरगंजको प्रतिष्ठित उधोगी घराना केडिया ग्रुपको वीरगन्ज महानगरपालिका–२१ को लिपनीविर्तामा रहेको सुशील वनस्पति घ्इू उद्योगमा भिषण आगलागी भएको छ । बिहान करिब २ बजेबाट आगलागी भएको हो ।
आगलागी अहिले दिउसो २ बजे सम्म सम्म पनि नियन्त्रणमा आउन सकेको छैन । आगो निभाउने प्रयास भइरहेको छ । आगोको फैलावट भने कम हुदै आएको छ । आगलागी नियन्त्रण गर्न बीरगंज महानगर,कलैया उपमहानगर,जीतपुर सीमरा उपमहानगर ,पोखरिया नगरपालिका र नेपाल आयल निगमको पाँच वटा बारुणयन्त्रको सहयोगमा नेपाली सेना, सशस्त्र प्रहरी, नेपाल प्रहरी र स्थानीयले प्रयास गरिरहेका छन् ।
आगलागी हुनुको कारण खुल्न सकेको छैन । आगलागीमा अनुमानित २५ करोड भन्दा बढीको तयारी अवस्थामा रहेको रिफाइन तेलहरु ,१५० टन तोरी र त्यहा भएका पिनाहरु पुर्णरुपमा जलेर नस्ट भएको उधोगका प्रशासकीय अधिकृत बिमल शर्माले बताए ।
तपाईको प्रतिक्रिया