अन्तशुल्क हिनामिना गरेकाहरु कारागार पुगे लगतै अव भ्याट छल्नेको पालो

9/18/2019 गते 00 00 मा प्रकाशित 1362 पटक पढिएको

बीरगंज १ असोज । अन्तःशुल्कको स्टिकर हिनामिना गरेर दोषी ठहर भई माग गरेको धरौटी बुझाउन नसक्दा दुईजना उद्योगी कारागार चलान भएको हप्ता बितेको छ ।

अव मूल्यअभिबृद्धि कर (भ्याट) छलीको आरोपमा अन्य एक जना ब्यापारी पनि कारगारको हावा खान जाने भएका छन ।
कारोवार गरेर नक्कली भ्याट बिल बनाई भ्याट छली गरेकोले ति ब्यापारी कारागार जाने भएका हुन ।

उनले लाखौ रुपैया भ्याट छलेका छन स्रोतल े भन्छ धरौटी रकम राख्ने सक्ने अवस्था नरहेकोले उनी पनि भ्याट छलीमा कारागार जाने निश्ति छ । उनी कारागार गए भने भ्याट छलेकै कारण ब्यवसायी कारागार गएको पहिलो घटना बीरगंजमा हुनेछ ।

लामो समय देखी कारोवार गर्दै आएपनि भ्याट नतिर्ने र नक्कली भ्याटवील पेश गरेर राजस्व नै मार्ने काम गर्दै आएका ति ब्यवसायीले “सेटीङ”कालागि पनि अनेक प्रयास गरे । तर उनले त्यसमा पनि सफलता पाउन सकेनन ।

गएको साता उदयपुर डिष्टिलरी प्रालिका संचालक ओमप्रकाश कलवार र जयश्री धौलागिरी डिष्टिलरीका संचालक शम्भुशरण कलवार आन्तरिक राजस्व कार्यालय बीरगंजले तोकेको ११ करोड ६५ लाख नौ हजार एकसय ३२ रुपैंया धरौटी रकम बुझाउन नसक्दा कारागार चलान भएका हुन ।

वीरगन्जको रामगढवामा रहेको उदयपुर डिष्टिलरी प्रालिले २०७१र०७२ देखि २०७५र०७६ सम्म ३६ लाख ६९ हजार ७ सय ४२ थान अन्तःशुल्कको स्टिकर लगेर उत्पादनमा खपत भएको कागजमा देखाएपनि स्थलगत रुपमा गरिएको भौतिक परिक्षणमा खर्च नगरी हिनामिना गरेको पाईएको हो ।

आन्तरिक राजस्व कार्यालय वीरगन्जले करोडौ रुपैया धरौटी माग गरी बुझाउन नसकेकालाई कारागार चलान गरेको पहिलो घटना हो । यसअघि नक्कली अन्तःशुल्क प्रकरणमा ५४ करोड हिनामिनामा ८ जना कारवाहीमा परेका थिए ।

कार्यालय प्रमुख कोईरालाले भने, “सक्कली अन्तःशुल्क नै हिनामिना गरेर यति धेरै विगो धरौटी स्वरुप बुझाउनु पर्ने घटना सम्भवतः वीरगन्जको पहिलो हो । यसअघि ५४ करोड हिनामिनामा नक्कली स्टिकरमा धेरैजना कारवाहीमा परेका थिए ।