बिस्कोको साधारण सभा सम्पन्न, सानो पूजीलाई उत्पादन संग जोडन आग्रह

9/21/2019 गते 00 00 मा प्रकाशित 1338 पटक पढिएको

बीरगंज ४ असोज ।
राष्ट्रीय सहकारी बिकास बोर्डका सदस्य शम्भू गुप्ताले सहकारीहरुले गरिवी निवारणमा उल्लेख्य भूमिका निर्वाह गरेको बताएका छन । बीरगंज बचत तथा ऋण सहकारी संस्थाको २१ औ वर्षिक साधारण सभामा उनले यस्तो बताएका हुन ।

उनले राज्यले तीन खम्बे अर्थनीतिलाई अख्तियार गरेर सहकारी क्षेत्रलाई बिशेष मान्यता दिएको चर्चा गर्दै सहकारीले उद्धेश्य अनुरुपको काम गर्नु पर्ने सुझाव दिए । उनले सहकारीले आफना सदस्यहरुलाई पु¥याउदै आएको सेवालाई अझै प्रभावकारी र गुणात्मक बनाउने कुरा ध्यान केन्द्रीत गरिनु पर्ने मा जोड दिए ।

उनले सहकारी आन्दोलनका माध्यमले सानो पूजीलाई पनि उत्पादनसंग जोडन आवश्यक रहेको बताए । उत्पादनले मात्र पूजीको साइकल निरन्तर घुमिरहरने र त्यसले मात्र समृद्धि ल्याउने बताउदै यस क्षेत्रको सहकारी आन्दोलनले यस्तो अवस्था सृजना गर्नु पर्ने बताए ।

कार्यक्रममा सहकारी आन्दोलनका अगुवाहरु राजेश पंडित,बीरगंज महानगरका सहकारी बिभागका प्रमुख रामदयाल यादव,नगनारायण सिंह, हरेराम पटेल ,राजेन्द्र जयसवाल ,बिष्णु बराल लगायतले मब्तब्य ब्यक्त गरेका थिए ।

बिस्कोका अध्यक्ष डिल्ली बिक्रम कार्कीको अध्यक्षतामा भएको कार्यक्रमको संचालन उज्वल घिमिरेले गरेका थिए ।