बीरगंज २२ कार्तिक । पर्सा प्रहरीले हुण्डीको १८ लाख रुपैयासहित तीन जना भारतीय नागरिकलाई पक्राउ गरेको छ ।
प्रहरीले भारतको बिहार राज्यको सुगौली बजार घर भएका २२ वर्षीय बिक्की कुमार, भारतकै रक्सौल नागा रोडका २६ वर्षीय सुधीरकुमार र सोही स्थानका ३० वर्षीय साहिद आलमलाई पक्राउ गरेको हो। प्रहरीले उनीहरुको साथबाट श्रोत नखुलेको १८ लाख रुपैयाँ नगद बरामद गरेको छ।
वीरगन्जको रजतजयन्ती चोकमा सवारीसधान र पैदल यात्रुको चेकजाँच गर्ने क्रममा तीन मोटरसाइकलमा रक्सौलबाट वीरगन्ज आउदै गरेको अवस्थामा उनीहरु पक्राउ परेको पर्साका प्रहरी उपरीक्षक सोमेन्द्र सिंह राठौरले जानकारी दिनु भयो ।
पक्राउ परेका तीनैजना हुण्डीको कारोबारी रहेको भन्दै प्रहरी उपरीक्षक राठौरले उनीहरुलाई जिल्ला प्रहरी कार्यालयको हिरासतमा राखेर थप अनुसन्धान भइरहेको बताउनु भयो । प्रहरीले उनीहरुको साथबाट तीन वटा भारतीय नम्बर प्लेटका मोटरसाइकल समेत नियन्त्रणमा लिएको छ ।
तपाईको प्रतिक्रिया