सुख्खा बन्दरगाहमा कन्टेनरको जाम ,टर्मिनल्सले कन्टेनर निकाल्ने वतावरण नवनाएको आयातकर्ताको गुनासो

4/30/2020 गते 00 00 मा प्रकाशित 1724 पटक पढिएको

बीरगंज १८ बैशाख ।

वीरगन्जस्थित सिर्सिया सुक्खा बन्दरगाहमा आएका कन्टेनर बन्दरगाहबाट बाहिरिने क्रम रोकिएपछि बन्दरगाहमा कन्टेनरको जाम लागेको छ ।

लकडाउन भएपनि भारतबाट रेलमा आयात हुने कन्टेनर, बोराबन्द सामान तथा फलामसमेत बन्दरगाहबाट गन्तब्य सम्म जानेक्रम रोकिएकोले समस्या आएको हो ।

बन्दरगाह संचालक हिमालयन टर्मिनल्सले नै कन्टेर बन्दरगाहबाट निस्कने वतावरण नवनाएको आयातकर्ताहरुको गुनसो रहेको छ । टर्मिनल्सले रेलको र्याक खाली गर्न कुनै कसर बाँकी राख्दैन ।

तर कन्टेर आयातकर्तालाई दिने बिषयमा उसले गम्भिरता देखाउदैन । टर्मिनल्सका कारण अहिले बन्दरगाहको यार्ड भरिएको छ । अहिले यार्डमा ३ देखी ३ हजार ५ सयको वीचमा कन्टेनरहरु राखिएका छन ।

बुधवार साँझसम्म बन्दरगाहको यार्डमा ३ हजार २ सय ४ मालवस्तु बोकेका र २ सय ६९ खाली कन्टेनर छन् ।
टर्मिनल्सले कम जनशक्तिको आधारमा काम गर्न गार्हो भएको बताउदै आएको छ भने आयातकर्ताका प्रतिनिधि जो यार्डमा किलियरेन्सकोलागि काम गर्छन ।

उनीहरु भने टर्मिनल्सका कारण आयातकर्ताहरुले कन्टेनर झिक्न नपाएर डिटेनशन ड्यामरेज चार्ज तिर्न बाध्य भएको बताउछन । तोकेको समयमा कन्टेनर खाली नगरि ढिलो भएमा दुई खालको जरिवाना लिने गरेको छ ।

दैनीक ६ हजार र १० हजार भारतीय मुद्रा जरिवाना लिने गरेको छ । ब्यपार सहजीकरण गर्न बसेको इन्टरमोडेल पनि यो बेलामा मौन बसेको अयातकर्ताका प्रतिनिधिहरुको भनाई छ ।

रेलमा आएको सबै र्याक उतारेर रेल खाली गर्न हिमालय टर्मिनल्सले सक्छ तर कन्टेनर आयातकर्तालाई लोड दिन भने आनाकानी गर्दै आइरहेको छ । अहिले पनि बन्दरगाहमा २ सय लरी कन्टेनर बोक्न गएका छन ।

२ सय जना चालकहरु चाउ चाउ र चीउरा खाएर दिन बिताउनु परेको छ । आयातकर्ताका प्रतिनिधिहरु दिनहु भंसार पास गराउन जान्छन । कोरोना भाइरसको संक्रमणको जोखिममा काम गर्न गएकाहरुलाई काम नदिने हिमालय टर्मिनल्सका कार्यकारी अधिकृत बिष्णुकान्त चौधरीसंग आयातकर्ताले आग्रह गर्दा पनि कुनै सुनवाई गरेका छैनन ।

आयातकर्ता नेताहरुको काम भने गर्दै आएको अन्य ब्यवसायीले बताएका छन । टर्मिनल्सले कन्टेनर लोड अनलोड गर्नकालागि स्टाइकर समेत चुस्त रुपमा राखेको छैन । जसले गर्दा आयातकर्ताहरु समस्यामा परेका छन