आन्तरिक राजस्व कार्यालयको छाप अंकित लिकर २५ अप ३७५ एमएल लेखेको स्टीकर सहित प्रहरीले दुईजनालाई पक्राउ गरेको छ ।
पक्राउ पर्नेमा बारा जिल्लाको विश्रामपुर गाउँपालिका वडा नं.५ हाल वीरगञ्ज महानगरपालिका वडा नं.१५ त्रिशुल चोक बस्ने २७ वर्षिय मनिष कुमार साह तेली सोही ठाउका २५ वर्षिय रंजन कुमार राम रहेका छन ।
उनीहरुलाई प्रहरीले पुष १५ गते पक्राउ गरि सोमवार सार्वजनीक गरेको हो । बिशेष सूचनाको आधारमा प्रहरीले रक्सौल तर्फबाट वीरगंज आउदै गर्दा उनीहरुलाई चेकजाँच गर्ने क्रममा स्टीकर फेला परेको हो ।
उनीहरुसंग बाट ३९ वटा स्टीकर फेला परेका छन । उनीहरु बिरुद्ध लिखत सम्बन्धी कसुरमा मुद्धा चलाइएको जिल्ला प्रहरी कार्यालय पर्साका प्रहरी नायव उपरिक्षक दीपक गिरीले जानकारी दिए । उनीहरु बिरुद्ध जिल्ला अदालतबाट ७ दिने म्याद लिइ अनुसन्धान भइरहेको उनले बताए ।
तपाईको प्रतिक्रिया