कृषि, स्वास्थ्य, शिक्षा र भौतिक विकास पटेर्वा सुगौलीको प्रथामिकता,पोखरियाले बिनियोजन गर्यो ४१ करोड
पटेर्वा सुगौली गाउँपालिकाले आगामी आर्थिक वर्षकालागि बजेटमा कृषि, स्वास्थ्य, शिक्षा र भौतिक विकासलाई प्राथमिकता दिइएको छ ।
गाउँपालिकाले बुधवार अयोजीत गाउँसभामा प्रस्ुतत गरिएको नीति तथा कार्यक्रम यस्तो प्रथामिकता तय गरिएको हो ।
गाउँपालिकाले आफूले तोकेको प्रथामिकतालाई प्राप्त गर्नकालागि ३४ करोड २८ लाख ४९ हजार ४ सय १० रुपैयाको बजेट पेश गरेको छ ।
गाउँपालिकाभित्र सार्वजनिक शौचालय बनाउने, सिञ्चाइको उचित व्यवस्थापन गर्ने, सार्वजनिक जग्गाको संरक्षण गर्ने, वृक्षारोपण गर्ने, बेरोजगारी अन्त्य गर्ने लगायत प्रमुख योजनाका रुपमा अघि सारिएको गाउँपालिकाका प्रमुख हरिनारायण चौधरीले बताउनु भयो ।
पटेर्वा सुगौलीमा गाउँसभाले नै कुन प्राथमिकताको क्षेत्रमा कति बजेट छुट्याउने भन्ने तय गर्नेछ । गाउँपालिकाले संघीय सरकार वित्तिय समानीकरण अनुदान ९ करोड ९६ लाख, शसर्त अनुदान १३ करोड २५ लाख, समपुरक अनुदान ८० लाख, राजश्व बाँडबाट ६ करोड ६५ लाख ७२ हजार ४ सय १० रुपैयाँ आउने अनुमान गरेको छ ।
त्यस्तै प्रदेश सरकारको तर्फबाट वित्तिय समानीकरण अनुदान ६९ लाख ५६ हजार, शर्सत अनुदान ८० लाख, विशेष अनुदान ३० लाख, समपुरक अनुदान २० लाख, सवारी साधन कर बाँडफाँड ३९ लाख २१ हजार प्राप्त हुने गाउँपालिकाको आय विवरणमा उल्लेख छ ।
गाउँपालिकाको आन्तरिक आम्दानी तथा अन्य आय १ करोड ५० लाख हुने अनुमान लगाएको छ । यसैगरि पोखरिया नगरपालिकाको आर्थिक बर्ष २०७७ ०७८ को नीति तथा कार्यक्रम प्रस्तुत गरिएको छ । ४१ करोड ७१ लाख ४५ हजार ४ सय बराबरको बजेट नगर सभामा प्रस्तुत गरिएको हो ।
नगर प्रमुख दिपनारायण रौनियारको अध्यक्षतामा भएको सभामा उप प्रमुख सलमा खातुनले अगामी आर्थिक बर्षको निति तथा कार्यक्रम प्रस्तुत गर्नु भएको हो ।
प्रस्तुत गरेको बजेट अनुसार व्यय तर्फ अनुमानित चालु खर्च २६ करोड ४२ लाख ८५ हजार ४ सय ८० रहेको वताइन ।
यस्तै पुजींगत खर्च तर्फ रु १४ करोड ७८ लाख ६० हजार रहेको छ । जसमा प्रदेशको सर्शत ८० लाख, प्रदेश समानीकरण ७१ लाख ८ हजार, विकास तर्फ समानिकरण संघको ११ करोड ४९ लाख , संघिय सम्पूरक अनुदान ८८ लाख, सवारी साधन कर ४० लाख ५२ हजार, बिशेष अनुदान ३ लाख सम्पूरक अनुदान २ लाख रहेको जानकारी गराइन ।
उप प्रमुख खातुनले राजश्व तथा आन्तरिक आय रु ५० लाख, नेपाल सरकारबाट प्राप्त समानिकरण अनुदान अन्तर्गत रु ११ करोड ४९ लाख, सर्शत अनुदान १९ करोड ३२ लाख, संघिय सम्पूरक अनुदान रु ८८ लाख, राजश्व बांडफाडबाट प्राप्त ७ करोड १० लाख ८५ हजार ४ सय ८०, प्रदेश सरकारबाट प्राप्त हुने वितिय समानिकरण अनुदान रु ७१ लाख ८ हजार, सर्शत अनुदान रु ८० लाख, बिशेष अनुदान रु ३० लाख, सम्पूरक अनुदान २० लाख गरी नगरपालिकाको कुल आय ४१ करोड ७१ लाख ४५ हजार ४ सय रहेको प्रस्तुत गर्नु भयो ।
सम्बन्धित शीर्षकहरु
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया