एभरेष्ट बैंक र कर्पोरेट बैंकद्वारा वीरगन्ज महानगरलाई सहयोग रकम हस्तान्तरण

7/1/2020 गते 00 00 मा प्रकाशित 1277 पटक पढिएको

कोरोना भाइरस परीक्षणका पीसीआर मेशिन खरिद, भीटीएम, रीएजेण्ट किट तथा अस्पताल व्यावस्थापनका लागि वीरगन्ज महानगरपालिकाले सहयोगको अपिल गरे अनुसार वीरगन्जमा सेवा दिईरहेका एभरेष्ट बैंक लिमिटेड र कर्पोरेट डेभेलपमेण्ट बैंकले बुधबार रकम हस्तान्तरण गरेका छन् ।

बैंकका प्रतिनिधिहरुले महानगरपालिकाका नगर प्रमुख विजय कुमार सरावगीलाई कार्यकक्षमै भेटेर एभरेष्ट बैंकको तर्फबाट १ लाख पाँच हजार र कर्पोरेट डेभलपमेण्ट बैंकको तर्फबाट २ लाख नगदको चेक हस्तान्तरण गरेका छन् । स्थानीय तहबाट आफैले पीसीआर मेशिन खरिद गरेर कोरोना परीक्षण गरेको नेपालकै पहिलो एक मात्र महानगरपालिका वीरगन्ज हो ।

अहिले महानगरपालिकाले ५० वेडको कोभिड अस्थायी विशेष अस्पताल संचालन गरिरहेको छ । भने, २०० वेडको छुट्टै आईलोलेशन समेत तयारी गरेर राखेको छ । पीसीआर मेशिन जडान भई परीक्षण पनि शुरु भएको र पर्सामा एक घर एक पीसीआर टेष्टको अभियान शुरु गरेर ५० हजार भन्दा बढीको पीसीआर परिक्षण गरिने पनि महानगरपालिकाका प्रमुख सरावगीले बताउनुभयो ।

अहिलेसम्म महानगरपालिकाको कोरोना कोषमा बुधबार सम्ममा २ करोड १५ लाख ७३ हजार रुपैंया जम्मा भईसकेको महानगरपालिकाका अधिकृत विकास मिश्रले जानकारी दिनुभयो ।