वीरगंज । प्रहरीले बिल बिजक भन्दा बढीको हार्डवेयर, स्टेशनरी खुद्रा तथा लत्ताकपडाहरू लोड रहेको ट्रक पक्राउ गरेको छ ।
वीरगञ्जबाट रौतहटतर्फ गईरहेको अवस्थामा बिल विजक भन्दा बढी हार्डवेयर, स्टेशनरी खुद्रा तथा लत्ताकपडा लगायतका सामानहरू बोकेको ट्रक प्रहरीले पक्राउ गरेको हो ।
जिल्ला प्रहरी कार्यालय पर्साबाट खटिएको टोलीलेबुधवार बिहना करिब ५ बजेको समयमा वीरगञ्ज महानगरपालिका वडा नं.१६ नगवा स्थित बाईपास सडकखण्डबाट ना ८ ख ३५८४ नम्बरको मालवाहक ट्रक चेकजाँचको क्रममा पक्राउ गरेको हो ।
नारायणी ट्रासपोर्टबाट पठाईएको ट्रकमा विल बिजक संकास्पद देखिएको हुँदा उक्त ट्रक नियन्त्रणमा लिई हेर्दा ३१ लाख ८९ हजार ९ सय ३६ बराबरको हार्डवेयर, स्टेशनरी खुद्रा तथा लत्ताकपडा लगायतका सामानहरू फेला पारीएको जिल्ला प्रहरी कार्यालय पर्साका प्रवक्ता डिएसपी दीपक गिीले जानकारी दिए ।
समान सहितको ट्रक थप अनुसन्धान तथा आवश्यक कारवाहीको लागि राजश्व अनुसन्धान कार्यालय पथलैयामा बुझाइएको गिरीले बताए ।
तपाईको प्रतिक्रिया