बीरगंज ।प्रधानमंत्री मातहत रहेको राजस्व अनुसन्धान विभागको महानिर्देशक अहिले नवराज ढुंगाना छन । ढुंगाना कास्कीका हुन त्यती मात्र होइन प्रधानमंत्री प्रचण्डका स्वकीय सचिव भइसकेका ब्यक्ति हुन ।

बीरगंज भन्सारको प्रमुख प्रशासक रहेकै बेला प्रधानमंत्री प्रचण्डले उनलाई आफनो सचिवालयमा लगेका थिए ।हिजो के.पी.ओली प्रधानमंत्री हुदा बिभागलाई प्रधानमंत्री मातहत ल्याइएको थियो । माओवादी र नेपाली कांग्रेसले त्यसको घनघोर बिरोध गरे तर त्यसपछि पालै पालो सत्तारोहण गरेका प्रचण्ड र देउवाले बिभागलाई प्रधानमंत्री मातहतबाट हटाउन कुनै इच्छाशक्ति देखाएनन । उल्टै आफनो सचिवालयको मान्छेलाई बिभागमा पठाएर आर्थिक दोहनको अवसर प्रदान गरेको देखिन्छ ।

विभागले राजस्व चुहावट र तस्करी नियन्त्रण कुनै उल्लेखनीय काम गर्न नसकेको तथ्यले देखाएको छ । मुलुकको प्रमुख स्थल भंसार र सबै भन्दा बढी राजस्व असुली हुने बीरगंज भन्सार कार्यालयले चालु आर्थिक वर्षको साउनदेखि माघसम्म पाएको राजस्व लक्ष्य भेटेको छैन ।

कार्यालयले भन्सार विभागबाट १ खर्ब ३९ अर्ब १ करोड ७४ लाख ६७ हजार रूपियाँको राजस्व सङ्कलनको लक्ष्य पाएकोमा कुल लक्ष्यको ६१.९२ प्रतिशत अर्थात् ८६ अर्ब ५७ करोड ७५ लाख ३ हजार मात्रै राजस्व सङ्कलन गरेको वीरगंज भन्सार कार्यालयले जनाएको छ । यो तथ्यले पनि राजस्व बिभागको असफलताको कथा कहन्छ ।

बिभागका प्रमुख ढुंगाना कमाउ धन्दामा लागेका कारण माथि देखी तल सम्म राजस्व् अनुसन्धान बिभाग अनियमिततामा डुबेको छ । पथलैयामा रहेको राजस्व अनुसन्धान कार्यालय र त्यसका प्रमुख प्रेमप्रसाद देवकोटा ढुङगनाका प्रिय पात्र बनेका छन ।

अनधिकृत कारोवारको प्रमुख केन्द्र बीरगंज मार्फत तस्करीको लाइन चलाएर ढुङ्गानाको अभियानलाई साथ दिदै आफू पनि मालामाल भएका छन । देवकोटाको उठती पुठ्तीको प्रवन्ध भने बीरगंज घर भएका तिर्थ पासवान नामका अधिकृतले गर्दै आएका छन ।

पासवानले स्थानीय भएका नाताले सबै तस्करसंग चीनजान भएको र उनीहरुको सामानहरु बिना चेकजाँच पास गरिदिने प्रवन्ध बिलाएर राजस्वमा तर मार्ने काम गर्दै आएका छन ।

महानिर्देशक ढुंगाना नै असुलीधन्दामा अग्रसर भएको थाहा पाएपछि मातहतका कार्यालयका प्रमुखहरुले त्यही सिको गरेका कारण पछिल्ला दिनमा देशभर तस्करी बढेको छ ।

पथलैयाका ,प्रमबाबु देवकोटा सिधै प्रधानमंत्री कार्यालयलाई रिपोर्ट गर्नुपर्छ भन्दै आफनो अड्डा राजस्व चुहावट नियन्त्रणमा लागेको आदर्शकुरा गर्न त माहिर छन तर उनका सहयोगी पासावानलाई ढुंगाना पथ अंगिकार गर्दै तस्कर र ब्यापारीसँग लेनदेनमै सेटल गर्न खटाएका छन ।

पासवानले तस्करीको सामान लोड भएका गाडी बरामद गर्ने र मोटो रकम असुली गरि छाडने गरेका छन । देवकोटार पासवानाले यो बापत महानिर्देशक ढुंगानालाई समेत हिस्सा बुझाउने गरेको स्रोतको दावी छ । ढुङ्गानाका कारण नै देवकोटा तस्करहरुसँग सामान बरामद होइन, सेटिङ गर्न तल्लीन छन् ।

देशका ठूला उद्योगी र ब्यवसायीहरुलाई विभिन्न नाममा छापा मार्ने, तर्साउने र ठूलो रकम बार्गेनिङ गर्नमै पथलैया राजस्व ब्यस्त छ ।

राजस्व अनुसन्धान विभाग राजस्व चुहावट र भन्सारछली नियन्त्रणका लागि स्थापना भएको हो । तर विभागमा पछिल्ला दिनमा राजनीतिक हस्तक्षेपले सीमा नाघेको छ ।

महानिर्देशक र निर्देशकहरु मातहतका कार्यालयका प्रमुख राजनीतिक भागबण्डाका आधारमा सरुवा हुने प्रचलनले राजस्व चुहावट नियन्त्रण गर्ने भन्दा पनि कसरी हुन्छ आर्थिक उपार्जन गर्ने माध्यम बनाइएको छ ।

राजस्व अनुसन्धान विभागमा कर्मचारी खटनपटन सत्ता गठबन्धनको भागबण्डामा हुने गरेको छ । महानिर्देशक ढुंगाना प्रधानमन्त्री पुष्पकमल दाहाल ‘प्रचण्ड’का पीए र घर पनि कास्कीको एउटै गाउँ भएकाले उनी प्रम नजिक छन भन्ने कुरा घाम जतिकै छर्लङै छ ।