बीरंगज कलेजले रात्री मेलाको आयोजना गर्ने, बिभिन्न प्रकारका खानाका ३२ स्टल रहने

इसीमाना सम्वाददाता २०८० फागुन १४ गते ०६: ०८ मा प्रकाशित 355 पटक पढिएको

वीरगञ्ज । वीरगञ्ज कलेजले खाना तथा सांस्कृतिक मेलाको आयोजना गर्ने भएको छ ।

फागुन १८ र १९ गते मेलाको आयोजना गर्ने सोमवार कलेजमा पत्रकार सम्मेलनको आयोजना गरेर जानकारी दिएको हो । कलेजले रात्री बजारको अवधारणा लाई ब्यवहारमा अध्ययन गर्नकालागि आयोजना गर्न लागेको हो ।

दिउँसो २ बजेदेखि राति १० बजेसम्म खाना तथा सांस्कृतिक मेलाको आयोजना गर्न लागेको कलेजका अध्यक्ष डा. दीपेन्द्र चौधरीले जानकारी दिए ।

विद्यार्थीहरुमा सिक्दै कमाउदैको अवधारणा विकास गर्न, उद्यमशिलताको अवधारणालाई विकास गर्न र बारा पर्साको लोक सांस्कृतिक तथा परम्परागत खानाको प्रर्वद्धन गर्नका लागि मेला आयोजना गर्न लागिएको अध्यक्ष चौधरीले बताए ।

मेलामा ३२ वटा विभिन्न खानाका परिकारको स्टल रहने र १५ देखि २० हजार दर्शक आउने अनुमान गरेको छ ।

गतबर्ष पनि पहिलो पटक आयोजना गरेको खाना तथा सांस्कृतिक मेलाले विद्यार्थीहरुमा हौसला प्राप्त गरेको र यसबर्ष पनि विद्यार्थीहरुले स्वस्फूर्त रुपमा मेलाको आयोजना गर्न लागेको बताउनुभयो ।

खाना तथा सांस्कृतिक मेलामा कलेजमै अध्ययन गरेको विद्यार्थीहरुको नृत्य, गीतहरुको पनि प्रस्तुती रहने क्याम्पस प्रमुख विनोद गुप्ताले बताए ।