बीरगंजमा १ सय करोडको लागतमा चार तारे रिसोर्टको स्थापना, गुणस्तरीय सेवा दिइने संचालकको प्रतिवद्धता

12/17/2020 गते 00 00 मा प्रकाशित 1111 पटक पढिएको

बीरगंजमा फाइभ स्टार होटेल सचालनमा आएको छ । होटेलका अध्यक्ष ब्यवसायी सुनिल खेतानले होटेलमा पत्रकार सम्मेलनको आयोजना गरि होटेल संचालनमा आउने जानकारी दिनु भएको हो ।

वीरगञ्ज महानगरपालिका वडा नम्बर १४ बहुवारीमा हिमाल वातार्पार्क एण्ड भिलेज रिसोर्ट नामक अन्तराष्ट्रिय स्तरको पाँच तारे होटल सुरु भएको हो । एक अर्वभन्दा बढीको लगानीमा प्रदेश नं . २ मै खुलेको यो पहिलो होटल भएको सञ्चालकले दावी गरेका छन् । रिसोर्ट २ बिगाह क्षेत्रफलमा फैलिएको छ ।

त्यसै गरि कन्भेन्सन सेन्टरको साथै ७ वटा बेनक्युट हल रहेको छ ।कन्भेन्सन सेन्टरमा एकै समयमा बिवाहपार्टी , बर्थडे पार्टी , किटि पार्टी र विभिन्न समारोह तथा कार्यक्रम गर्न सकिने खेतानले जानकारी दिनु भयो । रिसोर्टमा १५ जनादेखी २ हजार व्यक्ति अटाउन सक्ने क्षमता भएको हल समेत रहेको बताउनु भयो ।

रसिोर्टमा ६ तल्ले होटलमा आतिथि आश्रयकालागि सुविधा सम्पन्न ६० वटा कोठा रहेको छ । आगामी शुभ दिपावली देखि हेटेल पुर्णरुपमा संचालनमा आउने समेत बताए ।

त्यसै गरि रिसोर्टमा नवरतन रेस्टुरेन्ट संचालनमा रहेको छ ।७६ जना सिट क्षमताको रेस्टुरेन्ट र ५४ जना सिट क्षमताको बार पनि रहेको पत्रकार सम्मेलनमा जानकारी गराउनु भयो । गुणस्तरिय र शुद्ध खाना , नास्ताको पनि व्यवस्थाको साथै चाईनिज , ईन्डियन , थकाली , ईटालियन लगायत विभिन्न प्रकारको खाना अनुभवी सेफद्वारा बनाईने खेतालने बताउनु भयो ।

रिसोर्टमा फिट्नेस , गेम एन्ड हेल्थ क्लब , मसाज ,सौन एन्ड स्टिम रुम , क्रेसन एन्ड स्पोर्ट् , स्विमिङ्ग पुलको लङ्गर , किड्स रुम र क्यासिनो पनि रहेको छ । ८० गाडी र खुल्ला रुपमा २ सय गाडी पार्किङ्ग गर्न सक्ने व्यवस्था रहेको र हाल १५ जना काम गरिरहेकोमा केही दिन पछी ४५ जनाले रोजगार पाउने समेत पत्रकार सम्मेलनमा बताइएको थियो ।

पत्रकार सम्मेलनमा होटेलका अध्यक्ष एवं संचालक सुनिल कुमार खेतान, कम्पनी सन्चालक सुदिप खेतान , होटेलका जेनेरल मेनेजर राजेश रन्जन , प्रोजेक्ट मेनेजर रबिन्द्र रैना , नेपाल पत्रकार महासघ प्रदेश न.२ का अध्यक्ष दिपेन्द्र चौहान र माउन्टेन टेलिभिजनका ब्युरो प्रमुख महेश दासको सहभागिता रहेको थियो ।