लक्ष्य अनुसारको राजस्व असुलीमा वीरगञ्ज भन्सार असफल

इसीमाना सम्वाददाता २०८१ असोज ५ गते ०१: ४५ मा प्रकाशित 250 पटक पढिएको

वीरगञ्ज । चालु आर्थिक वर्षको भदौ सम्म बीरगंज भन्सार कार्यालय निर्धारित गरेको राजस्व संकलनको लक्ष्य पुरा असफल भएको छ ।

भंसार बिभागले भदौ सम्मकालागि ३५ अर्व ५७ करोड २७ लाख राजस्व संकलनको लक्ष्य दिएको थियो । यो अवधीमा बीरगंज भन्सारले २५ अर्व ३१ करोड ४३ हजार रुपैया राजस्व संकलन गरेको छ ।

यो निर्धारित लक्ष्य भन्दा २९ प्रतिशतले कम हो । गत आथिर्क वर्षको यही अवधिमा ३० प्रतिशत कम राजस्व संकलन भएको थियो।

गत वर्ष पनि राजस्व संकलनको लक्ष्य पुरा नगरेको बीरगंज भन्सरा कार्यालयको चालु आर्थिक वर्षको भदौ सम्मको अवस्था हेर्दा राजस्व असुलीको लक्ष्य पुरा गर्न निकै कठिनाई हुने देखिन्छ ।

बिभागले बीरगंजकालागि पछिल्लो वर्षहरुमा राजस्वको लक्ष्य थप्ने उपक्रम बढेको छ । तर लक्ष्य अनुसारको राजस्व संकलन हुन सकेको छैन ।

तथापी सरकार र नीति निर्माताहरु राजस्व संकलनको लक्ष्य प्राप्तिका अवरोधलाई हटाउन नचाहेको ब्यवहारले देखाउदै आएको छ ।

नेपाल राष्ट्र बैंकले केही समयअघि गरेको अध्ययनलाई आधार मान्दा भारतबाट हुने औपचारिक आयातको ३५ प्रतिशत अनौपचारिक माध्यम, अर्थात् भन्सार छलेर नेपाल भित्रिन्छ ।

सरकारले राजस्व चुहावट नियन्त्रणका लागि सीमावर्ती क्षेत्रमा भन्सार, सशस्त्र प्रहरी, जनपद प्रहरी खटाएको छ ।

राजस्व अनुसन्धानका निकाय पनि क्रियाशील छन् । यत्रो लगानी क्रिायशिल हुदा अनधिकृत कारोवार नियन्त्रण हुदैन अनी राजस्व संकलनको लक्ष्य पुरा हुन्छ कसरी ?बीरगंज भन्सार भएरै अनधिकृत कारोवार संस्थागत रुपमा हुदै आएको आरोप लाग्दै आएको छ ।

प्रहरीले समात्ने मालवाहक ट्रक नियन्त्रणमा लिने घटनाले पनि त्यो कुरालाई बल पु¥याउदै आएको छ ।

बीरगंज भन्सार भएर पेट्रोलिम पदार्थको खपत हुने गाडीको आयात बढी हुदै आएकोमा अहिले आएर बिधुतीय सवारी साधनको आयात बढेको छ ।

राजस्व ंकलनको लक्ष्य पुरा नभएपनि गत वर्षको तुलनामा राजस्व संकलनको मात्रा भने बढेको तथ्याकंल देखाउछ ।