पहिलो त्रैमासिकमा पनि लक्ष्य अनुसार राजस्व असुल्न बीरगंज भन्सार असफल,भंसार ब्यवस्थापनको उदासिनता प्रमुख कारण

इसीमाना सम्वाददाता २०८१ कार्तिक ५ गते ०६: ४५ मा प्रकाशित 227 पटक पढिएको

वीरगन्ज ।चालु आर्थिक वर्षको तीन महिनामा लक्ष्य अनुसारको राजस्व संकलन गर्न बीरगंज भन्सार असफल भएको छ । भंसार राजस्व असुलीमा निर्धारित लक्ष्य पुरा गर्न नसक्नु बीरगंज भन्सार कार्यलयको नियती बन्दै आएको छ ।

चालु आर्थिक वर्षको पहिलो त्रैमासिककालागि बीरगंज भन्सार कार्यालयले ५२ अर्ब ९९ करोड ६३ लाख राजस्व सङ्कलनको लक्ष्य पाएको थियो । पहिलो त्रैमासिकको आसोज महिनाको अन्त्य सम्ममा ३९ अर्ब सात करोड ३९ लाख राजस्व सङ्कलन गरेको छ। असोज महिनामा सङ्कलन भएको राजस्व, लक्ष्यभन्दा २६ प्रतिशतले कम रहेको कार्यालयका सूचना अधिकारी राघुलाल कर्णले जानकारी दिए ।

गत आर्थिक वर्षको पहलिो त्रैमासिकमा बीरगंज भन्सारलाई ५६ अर्ब ८४ करोड ६३ लाख राजस्व सङ्कलन गर्न लक्ष्य दिइएको थियो ।

त्यती बेला लक्ष्य भन्दा ३२ प्रतिशत कम राजस्व संकलन भएको थियो । चालु आर्थिक वर्षमा राजस्व असुलीको लक्ष्य कम भएपनि २६ प्रतिशतले असुलीमा कमी आएका छन ।

अनधिकृत कारोवारका कारण राजस्व लक्ष्य प्रभावित भएको छ । बीरगंज भन्सार कार्यालय मार्फत हुने संस्थागत तस्करीका कारण राजस्व संकलन प्रभावित भएपनि राजस्व असुली लक्ष्य अनु्रुप बनाउनकालागि भंसार ब्यवस्थापनले कुनै प्रभावकारी कदम नचालेको एक अधिकारीले बताएका छन ।