स्रोत नखुलेको ३२ लाख ३५ हजार रुपैयाँसहित एक भारतीय नागरिक पक्राउ
मलंगवा । प्रहरीले सर्लाहीको मलंगवा नगरपालिका–६, खुटौनाबाट स्रोत नखुलेको ३२ लाख बढी रकमसहित एक युवकलाई पक्राउ गरेको छ ।
पक्राउ पर्नेमा भारत सितामढी थाना कुनौली बस्ने ४० वर्षीय शम्भुकुमार साह रहेका छन् ।
उनलाई आज बिहान ७ बजेतिर खुटौना नाका भएर भारतबाट बीआर ०६ सिटी २४२२ नम्वरको मोटरसाइकलमा नेपालतर्फ आउँदै गरेको अवस्थामा पक्राउ गरिएको सर्लाहीका प्रहरी उपरीक्षक रवीन्द्रबहादुर सिंहले जानकारी दिए ।
एसपी सिंहका अनुसार साहको साथबाट स्रोत खुलाउन नसकेको ३२ लाख ३५ हजार ४४० नेपाली रुपियाँ र दुुई हजार १४० भारतीय रुपियाँ बरामद भएको छ । साह हुण्डी कारोवारमा संलग्न रहेको हुन सक्ने आशंका गरिएको छ ।
उनलाई जिल्ला प्रहरी कार्यालयको हिरासतमा राखेर थप अनुसन्धान अघि बढाइएको छ । सर्लाहीसहित तराईका सीमा नाकामा यसरी बारम्बार स्रोत नखुलेको रकमसहित मानिस पक्राउ पर्ने गरेका छन् ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सडक “सेन्टर”बाट पच्चीस मिटर भत्काउन प्रक्रिया शुरु, डिभिजनले सडकसीमा नाप्न नापीलाई लेख्यो पत्र
वीरगंज ।सडक डिभिजन कार्यालय हेटौडाले नापी कार्यालय हेटौडालाई सडकको सीमाङ्कन गरिदिनकालागि पत्र लेखेको छ ।त्रिभूवन राजपथको रातमाटे देखी बुद्धचोक र महेन्द्रराज पथको बुद्धचोक देखी राप्तीपुल सम्मको सडकको सीमा नाप जाँच गर्नकालागि कार्यालयले बैशाख ११ गते नै पत्राचार गरेको हो ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया