वीरगंज । प्रतिवन्धित लागु औषध गाँजा सहित सशस्त्र प्रहरीले ४ जनालाई पक्राउ गरेको छ । पक्राउ पर्नेमा २ भारतीय २ नेपाली रहेका छन ।
नेपाल भारत मैत्री बस सेवा काठमाण्डौ देखी भारतको बोधगाया जादै गरेको बिआर ०६ पिई २७५१ नम्बरको बसबाट उनीहरुलाई साढे २ किलो गाँजा सहित पक्राउ गरिएको सशस्त्र प्रहरी बल १३ नम्बरका गणपति मोहन क्षेत्रीले जानकारी दिए ।
सशस्त्र प्रहरी नायव निरिक्षक कुमार ठाकुरको कमाण्डमा खटिएको प्रहरीले टोलीले बीरगंज भन्सारमा नियमित चेकजाँचको क्रममा गाँजा फेला पारेको हो ।
प्रहरीले मैत्रीबसमा गाजाँ रहेको बिशेष सूचना पाएको थियो । त्यही सूचनाका आधारमा प्रहरीले चेकजाँच गरेको थियो। पक्राउ पर्नेमा बसचालक भारत बिहार सितामढी थाना हरारी दुलारपुर गाउँ बस्ने ३४ वर्षीय रबि चौधरी, सहचालक सर्लाही हरिपुर नगरपालिका वडा नम्बर १ बस्ने ३२ वर्षीय श्याम बिश्वकर्मा रहेका छन ।
त्यस्तै भारतको मोतिहारी मधुवन जिल्ला थाना रहुवामान गाउँ बस्ने ४२ वर्षीय मुन्ना प्रसाद र मोहोतरी बर्दिवास नगरपालिका वडा नम्बर ५ बस्ने १५ वर्षीय अशोक बिश्वकर्मा रहेको सशस्त्र प्रहरी उपरिक्षक क्षेत्रीले बताए ।
उनीहरुलाई थप कारवाहीकालागि सशस्त्र प्रहरीले वडा प्रहरी कार्यालय बिर्तामा बुझाएको छ ।
तपाईको प्रतिक्रिया