नेशनल मेडिकल कलेज शिक्षण अस्पतालमा १६ औं वार्षिकोत्सव

1/29/2017 गते 00 00 मा प्रकाशित 1927 पटक पढिएको

वीरगंज १५ माघ

नेशनल मेडिकल कलेज शिक्षण अस्पताल वीरगंजले आफनो १६ औं वार्षिकोत्सव धुमधामका साथ मनाएको छ । कलेज परिसरमा भएको एक विशेष समारोहमा पर्साका प्रमुख जिल्ला अधिकारी केशवराज घिमिरे, वीरगंज स्थित भारतिय महावाणिज्य दुतावासका महावाणिज्य दुत बि.सि. प्रधान, सशस्त्र प्रहरी बल रुद्र बाहिनी पथलैयाका प्रमुख डिआइजी बाबुराम पाण्डे, बरख गण वीरगंजका प्रमुख सेनानी नारायण बहादुर थापा, अंचल प्रहरी कार्यालय वीरगंजका प्रहरी बरिष्ठ उपरिक्षक नारायण सिंह खडका, पर्साका प्रहरी उपरिक्षकद्वय गोबिन्द कुमार साह र रबिन्द्र ठाकुर, अनुसन्धान उपरिक्षक टिका पोख्रेल, उपमहावाणिज्य दुत निरज जैसवाल, वाणिज्य दुत राजेश कुमार र भिके लोसाली लगायतले शुभकामना मनतव्य व्यक्त गर्नु भएको थियो ।

सो अवसरमा कलेजका छात्रछात्राहरुले नेपाली, हिन्दी, अंग्रेजी, भोजपुरी नृत्य, संगित तथा फैसन डान्सहरु गरेका थिए । कलेजका अध्यक्ष डा. जैनुदिन अंसारीको सभाअध्यक्षतामा भएको कार्यक्रममा प्रबन्धक÷निर्देशक बसरुदिन अंसारीले सहभागीहरुलाई स्वागत गर्नु भएको थियो । कार्यक्रममा कलेजका विद्यार्थी, शिक्षक, डक्टर, सांसद्, दलका नेताहरु, पत्रकार, कर्मचारी लगायतको उल्लेखनिय सहभागीता रहेको थियो ।