एक वर्षदेखी बन्द रहेको प्रसुती सेवा संचालन, स्वास्थ्यका अन्य पूर्वाधारहरु पनि संचालनमा ल्याउछौः रौनीयार

9/24/2020 गते 00 00 मा प्रकाशित 1005 पटक पढिएको

पर्साको धोविनि गाउँपालिकामा वडा नम्बर २ भिखमपुरस्थित प्राथमिक स्वास्थ्य केन्द्रमा विगत १ वर्षदेखी बन्द रहेको प्रसुति सेवा पुन सुचारु भएको छ ।

जनशक्तिको अभावमा बन्द रहेको प्रसुति सेवा गाउँपालिकाकाले जनशक्ति आपूर्ती गरेपछि संचालनमा आएको हो ।

धोवीनी गाउँपालिकाको प्रमुख प्रशासकीय अधिकृतको रुपमा कार्यरत अशोक रौनीयारले नागरिक स्वास्थ्यलाई पहिलो प्रथामिकतामा राखेर काम गर्ने योजना अगाडि सारेपछि प्रसुती सेवा शुरु भएको हो । ।

भिखमपुर स्वास्थ्य केन्द्मा हिजो वडा नं १ की एक महिलाले प्रसुतीगृहमा आएर सन्तान जन्माएसंगै सेवा शुरु भएका हो ।

गाउँपलिकामा स्वास्थ्य केन्द्र भएपनि जनशक्ति अभावमा प्रसुती सेवा संचालनमा थिएन । प्रमुख प्रशासकीय अधिकृत रौनीयारले गाउँपालिकाको नेतृत्वलाई बिश्वासमा लिएर नागरिकको माँगलाइृ सम्बोधन गर्ने क्रममा स्टाफ नर्सको भर्ना गर्नु भएकोले सेवा संचालनमा आएको हो । गाउँपालिकाले ४ जना नर्स करारमा नियक्त गरेको छ ।

१५ बेडको स्वास्थ्य चौकीमा प्रसुति सेवा शुरु भएसँगै भारतको बिहारदेखी पर्साको जिराभवानी गाउँपालिका, लगायतका महिलाहरुलाई अब वीरगञ्ज जानु नपर्ने भएको छ ।

केन्द्रले दिशा, पिसाव र खकारको परीक्षण जस्ता सेवाहरु पहिलादेखि नै दिँदै आएको छ । गाउँपालिका अधिकृत रौनियारको पहलमा केही दिनभित्रै एक्सरेलगायत अन्य जनरल सेवाहरु पनि सुचारु हुनेभएपछि स्थानीयहरुले खुशि व्यक्त गरेका छन् ।