प्रदेश २ का आठबटै जिल्लामा कोरोना बिरुद्ध खोप लगाइने, मुख्यमंत्री राउतले गृहनगरमा खोप अभियानको शुभारम्भ गर्ने

1/25/2021 गते 00 00 मा प्रकाशित 993 पटक पढिएको

प्रदेश सरकारले कोरोना भाइरस बिरुद्धको खोप लागाउने कार्यक्रम प्रदेशका आठबटै जिल्लामा एक साथ शुरु गर्ने भएको छ ।

प्रदेशका मुख्यमंत्री लालबाबु राउत गद्धीले आफनो गृहनगर बीरगंजको नारायणी अस्पतालमा कोरोना भाइरस बिरुद्धको खोप अभियानको शुभारम्भ गर्नु हुने छ ।

मुख्यमन्त्री लालबाबु राउतको अध्यक्षतामा सोमबार सम्पन्न प्रादेशिक कोरोना संकट व्यवस्थापन समितिको बैठकले माघ १४ गते आठवटै जिल्लाको सदरमुकामस्थित अस्पतालबाट कोरोनाविरुद्धको खोप अभियान शुरु गर्ने निर्णय गरेको हो ।

खोप अभियानको शुभारम्भ मुख्यमन्त्री लालबाबु राउतले वीरगञ्जस्थित नारायणी अस्पताल, आन्तरिक मामिला तथा कानूनमन्त्री ज्ञानेन्द्रकुमार यादवले प्रादेशिक अस्पताल, जनकपुरधाम र समाजिक विकासमन्त्री नवलकिशोर साहले गजेन्द्रनारायण सिंह अस्पताल राजविराजबाट गर्नु हुने स्वास्थ्य निर्देशक विजय झाले जानकारी दिनुभयो ।

प्रदेश नं. २ मा खोप अभियान सञ्चालनका लागि ३४ हजार भाइल प्राप्त भएको र सो भाइलहरु भोलिसम्म सबै जिल्लास्थित स्टोरमा पु¥याइने निर्देशक झाले बताउनुभयो ।

पहिलो चरणमा कोरोना महामारीविरुद्ध अग्रपंतिमा खटिरहेका स्वास्थ्यकर्मी, चिकित्सक, सुरक्षाकर्मी र सफाइकर्मीलाई खोप दिने योजना रहेको छ ।